Diyarname

Çalakiyên "Wêje Dîroka Xwe Dinivîse" ku wê li 15 bajaran li dar bikeve pêngava xwe ya yekemîn li Stenbolê davêje. Li Stenbolê di navbera 10-12'yê mehê de li zanîngehên Bilgî, Sabanci, Bogaziçi wê nivîskarên kurd derkevin pêşberî wêjehezan

Nivîskarên ku bi kurdî dinivîsin li beşa Ziman û Wêje yên sê zanîngehên mezin wê li ser roman, helbest û kurteçîroka kurdî bernameyan li dar bixin.

Çalakiyên ku armanca wan, xasma li beşên ziman û wêje yên zanîgehan, li der û dorên xwendekar û akademîsyenan, Ziman û Wêjeya Bi Kurdî di warê pirsgirêkên rojane yên wêjeyê de bê guftegot kirin e; bi serweriya Komeleya Nivîskarên Kurd a Amedê, bi Desteya Reveber Arjen Arî, İrfan Babaoglu, Şêxmûs Sefer, Memet Deviren û bi tevlîbûna nivîskar û helbestvanên wekî Şener Ozmen, Yaqob Tilermenî, Lorîn S. Dogan, Dîlawer Zeraq, Ramazan Alan, Berken Bereh, Lal Laleş, ku bi kurdî berheman didin, dê li dar bikeve.

Qedexeyên zagonî yên ku li ser kurdî didomin ku ev ji bo pêşveçûna ziman û wêjeyê dibin astengên mezin. Ev diyarde, bi qedexekirinê, dibe sedema veşartin û vesînorkirina guftûgotên li ser zimané kurdî û pirsgirêkên rojanê yên wêjeya kurdî.

Armanca panêlên ku wê li beşên wêje û lêkolînên çandî yên Zanîngeha Bogazîçî, Bîlgî û Sabanciyê li dar bikevin ew e ku, danûstendina di çarçoveya teorîk a têkildarî guftegoyên ku li ser wêjeya kurdî didomin, bi wêjeya Tirkiyeyê û cîhanê re rojanetir û çalaktir bike û ji nû ve saz bike ye.

Panêlên ku bi sernivîsa “10-11-12 Gulan, Li Zanîngehan Xwendinên Bi Kurdî” bi piştgiriya Komeleya Nivîskarên Kurd li dar dikevin; ji aliyê Navenda PEN'ê ya Tirkiyeyê, Sendîkaya Nivîskarên Tirk, Peyana Huner a ji bo Aştiyê, Çanda Anadolu û Balyozxaneya Swedê ya Stenbolê tên destek kirin.

Vaye bernameya çalakiyên li Stenbolê:

10 GULAN 2010/ Duşem
Zanîngeha Bogazîçiyê Beşa Wêje û Zimanê Tirkî
Ramazan Alan
“Li ser Romana Bi Kurdî"
Cî: Avahiya Natuk Bîrkan, Eywana Îbrahîm Bodur
Zanîngeha Bogazîçiyê
Saet: 15.00

11 GULAN 2010/ Sêşem
Zanîngeha Sabanciyî Fakûlteya Zanistên Civakî û Hunerî,
Bernameya Xebatên Çandî
Kurteçîrokên Hemdem Ên Bi Kurdî
Şener OZMEN (moderator)
Yaqob TİLERMENÎ, Lorîn S. DOGAN, Dilawer ZERAQ
Zanîngeha Sabanci Kampûsa Tuzlayê (SSBF1097)
Saet: 16.30-18.30

12 GULAN 2010/Çarşem
Zanîngeha Bîlgiyê Beşa Wêjeya Hevberkî
Ji Orfeus heta Biraboz Lêdana Dil a Peyvê
Berken BEREH
Saet: 17.00
Cîh: Santral Stenbol E1 306