DiyarName.Com

Vane hevserok û rêveberên nû yên HDP'ê

HDP'ê îro li Enqereyê 4'emîn kongreya xwe ya asayî li dar xist. Di kongreyê de Mithat Sincar û Pervin Buldan ji bo hevse

Dîrok: 23/02/2020

Beş: Nûçe

Diyarname

HDP'ê îro li Enqereyê 4'emîn kongreya xwe ya asayî li dar xist. Di kongreyê de Mithat Sincar û Pervin Buldan ji bo hevserokatî hatin hilbijartin, Meclisa Partiyê nû bû.

Bi deh hezaran kes li kongreyê amade bûn. Kongre bi coş derbas bû. Ji Başûr û Rojava jî peyam ji bo kongreyê hatin şandin.

Serokwezîrê Herêma Kurdistana Federal Mesrûr Barzanî di peyama ji bo kongreyê şand de wisa got: "Vexwendnameya HDP'ê ya ji bo tevlîbûna kongreyê gihîştiye destê min. Ez Hêvîdar im ku kongreya we bibe wesîleya xurtbûna aştî û biratiyê û dostaniya gelan."

Ji Rojava jî Hevserokatiya Partiya Yekîtiya Demokratîk (PYD) peyam şand û got: "Bala gelê Kkurd îro li ser kongreya HDP'ê ya li bakurê Kurdistanê ye. Bi navê PYD'ê em kongreya we silav dikin û hêviya serketinê ji we re dikin."

Partiya Demokrat a Kurdistanê ya Îranê, ji Herêma Kurdistana Federal Tevgera Gel a Demokratîk a Kurdistanê, Tevgera Azadî û Demokrasiyê ya Kurdistanê, Partiya Komunîst a Kurdistanê (KKP), Yekîtiya Parlamenterên Kurdistanê, Tevgera Goran, Rêxistina Jİnên Azad a Kurdistanê, Partiya Keskan a Kurdistanê, Partiya Sosyalîst a Kurdistanê, Partiya Yekîtiya Demokratîk a Kurdên li Sûriyeyê jî peyamên piştgiriyê şandin kongreyê

Piştî axaftin, peyam û xwendina raporan derbasî hilbijartinê bû û rêveberiya nû hat hilbijartin.

Mithat Sincar û Pervin Buldan ji bo Hevserokatî, ev kes jî ji bo enramtiya Meclisa Partiyê hatin hilbijartin:

Ahmet Kaya

Ahmet Saymadi

Ali Deniz Esen

Alican Onlu

Alişan Şahin

Alp Altinors

Aydin Çetinkaya

Ayfer Demirel

Aylin Hacaloglu

Ayşe Acar Başaran