Diyarname
Maça ku hemû dinya li bendê bû li dar ket. Maç wisa bi encam bû ku kesî texmîn nedikir. Di dawiya maçê de UEFA'yê di malpera xwe de wisa got: "Madrid li hemberî Barselonaya ku coşiyaya stûxwar e."

Em qala maça Barselona û Real Madrîdê dikin. Maça di navbera her du tîman de her gav wekî yek ji derbiyên mezin ên dinyayê tê hesibandin. Maç li El Clasico, li Stada Nou Camp a Barselonayê bû. Barselonayê bi 5-0, bi skoreke dîrokî reqîbê xwe Real Madrîd têk bir û ew stûxwar şand mala xwe. Bi vê encamê Barselona hem dîrok nivîsî, hem jî bi 34 pûanan bû lîderê La Lîgayê. Real Madrîd bi 32 pûanan di rêza duyemîn de ma.

18 deqîqeyan de 2 gol

Maç bi lez dest pê kir. Barselonaya ku gog ji ber lingên lîstikvanên wê bi dûr nakeve, bi pasê mîlîmetrîk bi ser Real Madrîdê de çû. di deqîqeya 10'amn de Barçayê bi Xavî Hernandez ket pêş: 1-0. Hê temaşevanên li stadê û yên li ber ekranê qala golê û kêfxweşiya wê dikir, hê tam kêfa nekiribûn gola diduyan jî hat: Deqe 18, yê gol avêjî Pedro Rodriguez. Neta 30 deqîqeyên pêşî Barçayê tiştê xwestibû bi dest xist û piştî vê deqîqeyê bi paş ve vekişeya. Di deqîqeyên mayîn yên nîveka yekemîn de Real Madrîdê hinek êrîş kir, hêvî ew bû ku qet nebe bi golek here odeya kinc guherandin û bêhnvedanê lê nebû.

Vê carê David Villa li ser dikê bû

Nîveka yekemîn bi 2-0 bi dawî bû. Di nîveka duyemîn de Barça dîsa li ser dikê bû lê vê carê bi David Villa. Villa di deqîqeya 55 û 58'an de du gol avêt û pişta Real Madrid şikand. Lê Barça nesekinî, wekî bibêje ev gol têrê nake, gere ez dîrokek nû binivîsim. Û di deqîqeya 90+2 de  Bojah Kirkic û Jeffren Suarez ku her du jî paşê tevî maçê bûbûn ketin ser dikê. Di pasa Kirkic de Suarez gola dawî ya Barçayê avêt û dîrokek nû hate nivîsîn.
Bi vê encamê Teknîk Dîrektor Mourinho û lîstikvan Ronaldoyê ku her ew û Messi têne beramberîkirin dê qet vê maçê ji bîr nekin. Li aliyê din Teknîk Dîrektorê Barselonayê Josep Guardiola ku ev çend sal in li Barselonayê her serketinan bi dest dixin careke din navê xwe li nav rûpela serketinan de dinivîsen bi 5 golan. Di dawiyê de wan dîrok nivîsî, temaşevanan jî li maçeke xweş temaşe kir.

Kunyeya Maçê:

Barselona
Victor Valdes, Daniel Alves, Carles Puyol, Gerard Piqué, Eric Abidal, Xavi Hernandez, Sergio Busquets, Andrés Iniesta, Pedro Rodriguez, Lionel Messi, David Villa
TEKNÎK DÎREKTOR
Josep Guardiola

Real Madrid
Iker Casillas, Sergio Ramos, Pepe, Ricardo Carvalho, Marcelo, Sami Khedira, Xabi Alonso, Angel Di Maria, Mesut Ozil, Cristiano Ronaldo, Karim Benzema
TEKNÎK DÎREKTOR
Jose Mourinho

Gol:
FC Barcelona
Xavi Hernandez 10
Pedro Rodriguez 18’
David Villa 55’
David Villa 58’ 
Jeffren Suarez 90+2