Diyarname

Tîma Fûtbolê ya Jinan a Brîtanyaya Mezin biryar da ku di Lîstikên Olîmpiyatê ya Tokyo 2020 de berî maçan li hemberî nijadperestiyê çong bidin.

Teknîk Dîrektora tîmê Hege Riise li ser meseleyê daxuyanî daye, gotiye wan bi hev re li hemberî nijadperestî û cudaxwaziyê ev biryar girtiye û ev yek lê zêde kiriye: "Baweriya me ew e li hemberî cudaxwazî, bêedaletî û newekheviyê çalakiya çongdayînê sembola protestoyeke aştiyane ya girîng e. Em kêfxweş in ku Komîteya Rêveberiya Olîmpiyatê jî ev çalakiya me qebûl kiriye.

Tîma Jinan a Brîtanyaya Mezin di Koma E de dilîze û reqîbên wê tîmên Japonya, Kanada û Şîlî ne. Maça wan a yekemîn roja 21'ê tîrmehê ligel Şîlî ye.

Di Euro 2020 de di maça Îngilistan û Îtalyayê de lîstikvanên îngilîz Marcus Rashford, Jadon Sancho û Bukayo Saka ji ber nekarîbûn penaltiyan veguherînin gol rastî êrîşên nijadperestiyê hatibûn.

UEFA ku tûrnûva saz kiribû, Federasyona Fûtbolê ya Îngilistanê û Serokwezîrê Îngilistanê Boris Johnson ev helwestên nijadperest şerkezar kiribûn.