Diyarname

Pêşî federasyonê 13 hakêm ji hakêmê avêtin, dûre ji bîr kir ku ji bo maçek hakêman bişînin. Dûre FIFA ûi UEFA’yê pirs kir. Ji serî em dest pê bikin…

13 HAKÊM HATIN QEWIRANDIN

Lijneya Navendî ya Hakêman (MHK) biryar da ku di 10 hefteyên dawî de peywir nede 13 hakêman ku di Lîga Super de cih digirtin. Ev yek wekî “Operasyon”a li hemberî hin hakêman hat binavkirin. Ew nav jî ev bûn: Cuneyt Çakir, Ali Palabiyik, Aldulkadir Bitigen, Firat Aydınus, Bahattin Şimşek, Burak Şeker, Suat Arslanboga, Huseyin Goçek, Mert Guzenge, Tugay Kaan Numanoglu, Alper Ulusoy, Halis Ozkahya.

Di nav wan de Cuneyt Çakir ê ku li dinyayê, di maçên UEFA û FIFA’yê de maç bi rê ve dibir jî hebû. Her wiha hê hefteya borî gelekan jê maç bi rê ve dibirin û wan bi xwe jî fêm nekirin ku çima ev yek çêbû. Dîsa Cuneyt Çakir û hevalên wî dema li balafirê debûn û diçûn maçeke UEFA’yê bi rê ve bibin ev biryar bihîstin. Ev yek li Tirkiyeyê deng veda. Şerê navxweyî ya li nava saziyên dewletê li nav hakêman jî rû da.

COLLINA PIRSÎ ÇIMA?

Vê yekê li dinyayê jî deng veda. Serokê Komîteya Hakêman a FIFA’yê (Yekîtiya Federasyonên Fûtbolê ya Navneteweyî) Pierluigi Collina li hakêm Cuneyt Çakirê ku ji hakêmî hatiye avêtin geriya û rewş jê pirsî. 

UEFA: EM ŞOK BÛN

Li aliyê din UEFA’yê jî li ser vê yekê ligel TFF’ê (Federasyona Fûtbolê ya Tirkiyeyê) ket nava têkiliyê û pirsa “Li pişt vê meseleyê çi heye?” kir. Rayedarên UEFA’yê ji Cîgirê Serokê TFFê Servet Yardimci gotin, “Ji kar girtina hakêm Cuneyt Çakir, Ali Payabilik û Abdulkadir Bitigenên ku sembola FIFA’yê bi wan re ye em gelek şaşwaz bûn.”

MAÇÊN 3 LÎGAN BETAL BÛN

Di dema ku ev nîqaş dom dikirin de maçên 3 lîgan ên vê hewteyê hatin betalkirin. TFF’ê “barîna berfê” wekî sedem nîşan da lê berf li herêma Marmarayê heye û mînak li Edeneyê berf nîn e maçên dê li Edeneyê bêne lîstin, li Rihayhe, Eskîşehîrê û gelek bajarên din ligel ku tu berf nîn e jî maç hatin betalkirin. Ev yek bi du awayan hat nirxandin, “Ji ber biryarê di nav hakêman de nerazîbûneke mezin hene”, *Nekarîn ji nav meseleyê derên”.

HAKÊM JI BÎR KIRIN

Li aliyê din MHK ku hakêman di maçan de peywirdar dike ji bîr kir ku hakêman bişîne maça Galatasaray û Kasimpaşayê. Di Lîga Elît a U16 de roja 9’ê mehê saet 12’yan de maça her du tîman hebû. Her du tîm çûn sehayê lê hakêm nîn bûn. Derket holê ku ji bîr kirine hakêman  peywirdar bikin. Çawa ferq kirin maç ji bo 13.00 bi paş ve xistin, lê li hakêmên herî nêz geriyan, lê dîsa hakêm negihîştin wê saetê û maçê saet 13.20’an de dest pê kir.

TESTA FIFA’YÊ TALÛKEYÊ DE YE

Niha pêvajoya tayînkirina hakêman a ji bo Kûpaya Dinyayê ye. 15 roj paşê ji dinyayê hakêm dê beşdarî testa atletîkî bibin. Di nav van hakêman de Cuneyt Çakir jî hebû ku ji nav hakêmên tirkan tekan e hakêm e ku li dinyayê maçên mezin bi rê ve dibe, maçên Kûpaya Cîhanê jî bi rê ve dibe. Ger biryara MHK’ê neguhere, Cuneyt Çakir dê nikaribe here Kûpaya Cîhanê û maçan bi rê ve bibe.