ENQERE
Şebnem Korur Fîncanci, Eren Keskîn, Emîne Ayna, Ayşe Batumlu, Zubeyde Teker, Ayla Akat Ata û Hurriyet Şener bi navê "Platforma ji bo aştiyê ji Ocalan re Azadî" platformeke ava kirin.
Platformê diyar kir ku bi girtin û kuştinan tu tişt nayê qezenckirin û wiha dom kirin: "Bi kurdan re şer nekin aştiye saz bikin. Ji kurdan lêborînê bixwazin. Vegerên dema ku hevdîtin bi Abdullah Ocalan re dom dikirin û dîsa diyalogê dest pê bikin."

Platformê ji bo avakirina platformeke wisa daxuyaniyeke belav kirin û wisa gotin:
"Bi kurdan re şer nekin aştiye saz bikin. Kurdan qezenc bikin. Ji kurdan lêborînê bixwazin. Ji bo canên ku we kuştin, ji bo cenazeyên we parçe kirin, ji bo hestiyên ji bin axê derdikevin lêborînê bixwazin. Kurdan qezenc bikin, riya qezenckirina kurdan bi naskirina rêberê çêdibe. Azadiya Abdullah Ocalan nas bikin! Dem bi dest bixin. Vegerin dema berî qutbûna hevdîtinên bi Abdullah Ocalan re. Hemû kampanyayên binçavkirin, girtin, hemû binpêkirina maf û hiqûqê, bi bombeyan parçekirina mirovan, şewitandina cenazeyên gerîlayan, cenazeyên leşkeran, ev hemû piştî ku hevdîtinên bi Abdullah Ocalan' qut bûn dest pê kirin."

Daxuyanî dibêje ku bi girtin û kuştin hûn tu tiştek nikarin bi dest bixin û dixwaze bi lezgînî bi Ocalan re hevdîtin pêk bê

Platform di daxuyaniya xwe de dibêje ku rastkirina hemû tiştan di destê me de ye, çareserî li dera hemû tiştan dest pê kir de ye û wiha dawî li daxuyaniya xxwe aniye: "Divê em hêviyên aştî û çareseriyê bilind bikin û ji cihe em lê mayî em dest pê bikin.  Me ‘Platforma ji bo Aştiyê ji Ocalan re Azadî’ ji bo van sedeman ava kir. Ev platforma kampanyayek e. Em ji bo hemû kesan bang dikin ku bila ve platformê bên cem hev.
Ji bo zarokên me di nav azadî û ewlehiyê de bin,
Ji bo peşêroja me ronî bê,
Ji bo pirsgireka kurd bi riyên demokratîk û aştî bê çareserkirin,
Ji bo jiyan û jiyankirine,
Ji bo van sedeman ‘Ji Ocalan re Azadî'."