Diyarname

Hevserokê berê yê HDP’ê Selahattin Demîrtaş malperek ava kiriye û dixwaze yên bixwazin ji ser wir re fikrên xwe bînin ziman. Lê ev çi ye? Di malperê de 4 ziman (tirkî, îngilîzî, almanî û fransizî) hene lê kurdî nîn e. Çima?

Demîrtaşî ji ser hesabê xwe yê tora civakî re peyameke bi vî rengî belav kiribû, “Pêşniyarên xwe ji vir de binivîsin, parêzerên min dê wan bigihînin min. Bawer bikin ezê bi hûrbînî binirxînim. Hadê em dest pê dikin. Qewet be. Bila rêya we, rêya me vekirî be.” Demîrtaşî pêre jî navnîşana malpera ku dê bi ser re pêşniyaran bigirin belav kiribû. Lê hat dîtin ku di malperê de 4 ziman hene lê kurdî nîn e. Loma jî pirsa çima kurdî nîn e derket holê û li tora civakî jî hat nîqaş kirin.

Şêwirmendên Demîrtaş kî ne? Kî ev malper amade kiriye? Çima kurdî nexistine kê em nizanin, lê ji vir de em dikarin bipirsin çima?