Diyarname
Amedsporê îro tîma Îdirê Igdirspor kir mêvan. Ligel ku lîstikvanan du penaltî nekarîn veguherînin golê jî Amedspor bi 3-0 bi ser ket. Bi vê encamê di dawiya hefteya 19'an de bi 39 pûanan lîder e.

Di maçên hefteya 19'an de Amedsporê li mala xwe tîma Igdirsporê kir mêvan. Lîstikvanên Amedsporê bi pankarta "Spor aştî û biratî ye" derketin sehayê. Her wiha ji bo bîranîna kaptanê wan ê berê Şeyhmus Ozer tîşortên wêneyê Ozer li ser li xwe kirin û derketin sehayê.

Li aliyê siyasetmedar Leyla Zana ku çend roj berê alîgirên Bursaspor û hin tîmên din çêr lê kirin wekî mêvana taybet a Amedsporê li stadê bû. Stada Amedê îro tije bû. Serketin wê Amedsporê bikira yekemînê lîgê.

Maç bi vî awayî dest pê kir. Her du aliyan jî firsend bi dest xistin, lîstikek yek bi yek li holê hebû. Lê Amedspor kêliyek din bi serketî bû. Di deqîqeya 35'an de Amedsporê bikaranîna penaltiyê bi dest xist lê lîstikvan Mbaye Diagne nekarî golê biavêje. Dûre dîsa atakên Amedsporê dom kirin. Di deqîqeya 44'an de bi asîsta Gyan listikvan Daniel Moreno gog şand nava keleha vala û Amedspor bi 1-0 derket pêş. Nîveka yekemin bi vî awayî bi dawî bû.

Nîveka duyemîn dîsa bi atakên Amedsporê dest pê kir. Vê yekê di deqîqeya 56'an de encam da: Di asîsta Gyan de Mbaye Diagne encam anî 2-0'ê.

Di deqîqeya 72'yan de Amedsporê penaltî bidest xist. Diagne û Saba bi hev re ketin qayişkêşanê, her duyan jî dixwest penaltiyê bikar bînin; Saba bikar anî, lê nekarî veguherîne golê.

Di deqîqeya 76'an de vê Diagne carek din asist kir û Daniel Moreno di maçê de gola xwe ya diduyan avêt: 3-0.

Piştî vê di maçê de tu dengê golan nehat û encam bi 3-0 bi dawî bû. Amed spor bi vê encamê lîderiya xwe domand. Bi vê serketinê îsal bû 12 maç ku Amedspor li mala xwe bi ser dikeve, bi vê îsal bû tîma ku herî zêde li mala xwe bi ser dikeve.

Di heman demê de Amedspor bi vê serketinê ket nîveka serdema 2025-2026'an. Dawiya hefteya peşiya me maç tune ne, piştî vê 10'ê meha yekem maçên Lîga 1'emîn wekî serdema duyemîn dê dest pê bikin.

Di dawiya vê serdemê de piştî Amedsporê Pendik bi 38, Erok bi 34, Ümraniye bi 33, Bodrum û Çorum jî bi 32 pûanan bi rêzê tên. Igdır di rêza 7'an de xwedî 30, Bolu xwedî 29 û düre Vanspor tê ku xwedî 27 pûanan e. Paşê bi rêzê Keçiören, Bandirma, Serik, Sivas, Manisa, Sakarya, Sariyer, Ümraniye, İstanbul, Hatay û Adana Demir spor tên.