Hewlêr
Birêvebirê giştî yê Şûnwar û Keleporên Hewlêrê eşkere kir ku şûnwarek hatiye dîtin ku dîroka wê vedigere serdema Sasaniyan.

Birêvebirê giştî yê Şûnwar û Keleporên Hewlêrê Nadir Babekir îro ragihand ku di çend rojên borî de di dema karkirinê de li nêzîkî kolaneke taxa Baxluminareyê ya Hewlêrê, karkeran hestiyên mirovan dîtin û piştî lêkolînan eşkere bû ku cihekê dîrokî li wê deverê heye.

Nadir Babekir diyar kir ku gelek pereyên zîvîn û nêzî 100 kuloxên mirovan hatine dîtin û tê pêşbînkirin ku dîroka wan vedigere serdema Sasaniyan.

Babekir eşkere kir ku heta niha gelek pereyên kevn, 2 xirxalên bronz, bazinên hesinî û 4 parçeyên gozikan li wê deverê hatine dîtin.
Rojnews