SERÊKANIYÊ

Bajaroka Ebû Raseyn ku di navbera Til Temir, Dirbêsiyê û Serêkaniyê de ye û piraniya welatiyên wê ereb in, ji aliyê YPG'ê ve ji komên çete hate rizgarkirin.

Piştî ku duh komên Dewleta Îslamî/El-Nusra hewl dan ku êrîşî Serêkaniyê bikin û li dijî hêzên YPG'ê windahiyên mezin dan, êrîşî ambulansên ku welatiyên birîndar dibirin kirin. Her wiha li bajaroka Ebû Raseyn û gundên di navbera Serêkaniyê û Til Temir de pêkûtî li ser welatiyan kirin. Li ser vê yekê welatiyan jî ji YPG'ê alîkarî xwest.

Piştî êrîşa li dijî ambulansan û banga welatiyan, hêzên YPG'ê li herêma  operasyon da destpêkirin. Di encama operasyona ku  duh piştî nîvro hate destpêkirin û îro heta saetên piştî nîvro dom kir de, bajaroka Ebû Raseyn ku dikeve navbera Serêkaniyê, Dirbêsiyê û Tiltemir û piraniya şêniyên wê ereb in, ji çeteyan hate rizgarkirin.

Li gorî agahiyên ku çavkaniyên YPG'ê dane, di encama operasyonê de 32 çete hatin kuştin û gelek cebilxane jî hate desteserkirin. Hate ragihandin ku di pevçûnên derketin de şervanekî YPG'ê jiyana xwe ji dest daye.

Çavkaniyên YPG'ê diyarkirin ku operasyon li gundên derdora Ebû Raseyn didome.

Ji ANHA'yê hatiye girtin