STENBOL

Namzetê Serokkomariyê Selahattîn Demîrtaş ê di civîna KA.DER de bi rêxistinên jinan re hat gel hev, got ku pergala hevserokkomariyê bi awayekî fiilî dikare pêk were û got, "Divê sekretere giştî yê Serokkomariyê jî jin be. Ez amade me bi nûnereke ku rêxistinên jinan wek hevserokkomar hilbijêrin re bixebitim.”

Namzetê Serokkomariyê yê Gelan û Guhertinê Selahattîn Demîrtaş, di civîna KA.DER a Stenbolê de bi nûnerên rêxistinên jinan re hat gel hev.

Civîn li Dedeman Otel ji çapemeniyê re vekirî pêk hat.

Moderatoriya civînê rojnamevan Şîrîn Payzin kir.

Seroka KA.DER Gonul Karahanoglu ku axaftina destpêkê kir, daxwaz û hêviyên xwe yên ji serokkomarê bê hilbijartin re aşkera kirin.

Karahanoglu bendewariyên xwe wiha bi rêz kir,  

"Di tevayî wezîfeyan de divê li gor nûnertiya wekhev û rêgeza cudatiya pozîtîf nêzîkbûn çêbibe.”

Divê rayeya xwe ya derxistina biryarnameya di hukmê qanûnê de bi kar bîne.

Divê destpêkê 'Li welêt aştî li cîhanê aştî’ bigire dest.

Pêwîst e ji bo Wezareta Wekheviya Jin-Zilam bixebite.

Divê ji bo bidawîkirina her cure cudatî û tundiya li hember jinê bixebite.

Ji bo jin di siyasete de bibe xwedî soz, divê bixebite.

Divê di rojên neteweyî û navneteweyî yên wek 8’ê Adarê Roja Jinan a Cîhanê, 25’ê Mijdarê Roja Dawî ya Şideta li Hember Jinê, 5’ê Kanûnê Roja Mafê Hilbijartin û Bijartinê ya Jinan de Meclîsê bi rojeva taybet dawetî civînê bike.”

Piştî Karahanoglu Demîrtaş dest bi axaftinê kir, dema Demîrtaş diaxivî jinan gelek caran ji Demîrtaş re çepik lê dan. Demîrtaş careke din bi bîr xist ku kêmasiya herî mezin a hilbijartina Serokkomariyê ev e ku namzeteke jin tune ye û diyar kir ku di hilbijartina pêşiya me de divê misoger namzeteke jin hebe. Demîrtaş wiha axivî: "Fikra avakirina jiyaneke nû têkoşîna jinê ye, ya em jî guhertin têkoşîna jinê ye.”

'EZ ÎMZE DIAVÊJIM MANÎFESTOYA KA.DER'

Demîrtaş anî ziman ku manifestoya hilbijartinê ya KA.DER îmze dike û bi meclîseke jin a rêxistinên jinan hilbijartiye dikare bixebite. Demîrtaş wiha dewam kir, "Di her mijara têkildarî jinan de dikare pêşniyaran bike. Der barê qanûnan de dikare alîkariyê bide û rexne bike. Wê ji civîna bi MGK’ê re hê qîmetir be.”

Demîrtaş got ku pergala hevserokkomariyê bi awayekî fiilî dikare pêk were û got, "Divê sekreterê giştî yê Serokkomariyê jî jin be. Ez amade me bi nûnereke ku rêxistinên jinan wek hevserokkomar hilbijêrin re amade me bixebitim.”

'EM JIYANEKE NÛ PÊŞKEŞ DIKIN'

Demîrtaş li ser pirsekê da xuyakirin ku belgeya jiyana azad pêşkeşî tevayî gelan dikin û got, "Li ser navê bindestan me jiyaneke nû peşkeş kir. Me avakirina jiyaneke nû ya alîgirê bindest û gelan pêşkeş kir.

Li hember rawestandina şideta li hember jinê jî Demîrtaş wiha axivî: "Helbet ez bi tena xwe nikarim vê pirsgirêkê çareser bikim. Lê bikaranîna wî meqamî ez ê têkoşîn bikim. Têkoşîna li hember şideta li dijî jinê têkoşîneke demdirêj e. Divê zîhniyeta dozger û polîsên dewleta ku ew qanûn derxistine bê guhertin.”

'DER BARÊ BEDENA JINÊ DE GOTIN  A JINÊ YE'

Demîrtaş têkildarî pirsa kurtajê jî got, "Li hember bedena jinê mafê tu otorîteyan nîne. Şermeke ku dewlet vê nîqaş dike. Her tiştên têkildarî bedena jinê, jinê eleqedar dike. Ne mafê hevser, ne bav û ne jî yê Tayyîp Erdogan  di vê mijarê de heye.”  

Demîrtaş der barê pirsa  LGBTÎ'yan jî wiha axivî: “LGBTÎ jî di nav de divê her kes di nav civakê de wek mirov bijîn.”

Demîrtaş li ser pirsa "Hûn ê di tûra duyemîn de çi bikin?” Ev bersiv da, "Eger ji bo tûra duyemîn nemînin, wê partiya me biryar bide. Wê partiya min qet biryara destekkirina tu namzetekî negire. Em ê alternatîfeke çawa pêş bixin wê partiya min nîqaş bike. Em ê biryara wê jî piştî hilbijartinê bidin.”

Demîrtaş got, "Bikaranîna dengan berpirsiyartiyeke. Divê her kes biçe ser sindoqan.”

Demîrtaş der barê ewlekariya sindoqên derveyî welat de jî gumanên xwe anî ziman û wiha axivî "Divê nûnerên me jî di dema neqilkirina sindoqan de amade bin."