Diyarname

Tîma Beşîktaş di maça duyem a Lîga Şampiyonan Dora 3'yem de reqîbê xwe Feyenoordê hollandî bi 3-1 têk bir û derbasî dora Play-offê bû.

Maça li mala Feyenoordê li Hollandayê li dar ketibû û Beşîktaş bi 2-1 bi ser ketibû. Maça duyem li Stenbolê li Stada Olimpiyatê hat lîstin. Lîstikvanê nû yê Beşîktaşê Demba Ba 3 gol ser hev de avêt û Feyenodrd şand mala xwe. Tekane gola Feyenoord ji aliyê Manu ve hat avêtin. Demba Ba bû yekemîn lîstikvanê Beşîktaşê ku çawa tê transferkirin di maça xwe yekemîn de sê golan diavêje. Her wiha Beşîktaş heta niha li hemberî tîmên Hollanda qet bi ser neketibû; di maça yekemîn de yekem car ew têk bir û bi encama îro re yekemîn car tîmeke Hollandayê têk dibe û dişîne mala xwe.

Bi vê encamê Beşîktaş derbasî Play-offê bû. Ji bo Play-offê roja înê (8'ê mehê) dê pişke bê kişandin. Pişke wê li Nyona Swîsreyê bê kişandin. Ji tîmên Arsenal, Zenit, Bayer Leverkusen, Porto û Napoli yek dê bibin reqîbê Beşîktaşê. Maçên Play-offê dê rojên 19-20'ê û 26-27'ê gelawêjê bêne lîstin. Di maçên Play-offê de kîjan tîm bi ser bikevin dê derbasî Maçên Komên Lîga Şampiyonan bibin. Ger Beşîktaş di maça Play-offê de têk here dê di koma Lîga Ewropa ya UEFA'yê de bilîze.

Kunyeya maça îro:

Stad: Ataturk Olimpiyat

Hakêm: Felix Zwayer, Marco Achmuller, Marcel Pelgrim (Almanya)

Beşiktaş: Tolga Zengin, Necip Uysal, Ersan Adem Gulum, Franco, Motta, Kerim Frei Koyunlu (Dq. 74 İsmail Koybaşi), Veli Kavlak, Hutchinson, Olcay Şahan, Demba Ba (Dq. 87 Cenk Tosun), Mustafa Pektemek (Dq. 85 Oguzhan Ozyakup)

Feyenoord: Mulder, Van Beek, Kongolo, Mathijsen, Nelom (Dq. 58 Vormer), Claise (Dq. 69 Karsdorp), Schaken, Immers, Vilhena, Boetius, Te Verde (Dq. 57 Manu)

Gol: Dq. 28, 80 û 86 Demba Ba (Beşiktaş), Dq. 74 Manu (Feyenoord)

Qertên Zer: Dq. 22 Necip Uysal, Dq. 70 Ersan Adem Gulum (Beşiktaş), Dq. 33 Nelom, Dq. 37 Boetius, Dk. 65 Schaken (Feyenoord)