.jpg)
“Li ber bextê/dengê Gula Bavê Felek”
Gul bi der e; axê pê veda.. Adar e, li dar e dîwana Gulê -Gula ji axê! Ey Gulbêj; Gula ku te bi dev kir, li “îro” bi zar e. Û dil aş dibe li ber dengê wê -mebêj “gul û deng?”, Gul bang e -devê min bi Gul!..
Guhdar hene li dîwanê, û vebêj -dilbijên Gulê! Û sal hene ey Gulbêj; Derwêş in sal, dikêşin bêhna Gulê -dil fireh, dil fireh; xitim dikin ayetên ku nazirîne ji hafa Gulê -min go Gul, tu bêje axx!
Û bi dar ve dibe Gul, li gewriya me; li gewrika her sibehê.. Ax destek e -destê dî bi xwîna Gulê, bi oxm e li ser sînga Biskê..
Me fesal lê girê da û bi dest kir zeman -dest bi Gul; li bin siya çiyê... Çiya ku ew jî Arî; çiya ku bi sewta te bi zimên ve raperî.
Û lewlew e, tê ji Kela Evînê, tê te deng -ê Nesrîna di ber Biska te de ku te bi janê stra, ku te bi janê stra...
Vêca îro ax distrê… guh bide axê ey Gulbêj, guh bide axê... û bêje me, tu çi dibihîzî? Çi tayî bi birînê vedike ax -axa ku te ser li ser ey Kulrêj, axx!.. ku Tebaxê careke dî ew şiyar kir, da ku li ber serê te bilorîne…
.jpg)
