Di nav jiyana kurdên Bakur de Îsmaîl Beşîkçî xwedî ciheke taybet e. Ji bo min jî ew keseke cihê ye. Ez dikarim bibêjim ez bi xwendina pirtûkên wî mezin bûm û ji ber ku ez niha bi rehetî li Tirkiyeyê dibêjim ez kurd im, kedeke wî ya mezin jî têde heye. Û Beşîkçî bû mêvanê me li Stenbolê. Ji gotinên wî min hin not ji bo we jî girtin...
Roja 21'ê mehê li Zanîngeha Azad beşdarî panelekê bû. Çend sal berê li Enqereyê li weşanxaneyê Yurdê min pêre sohbet kiribû, rojek berê panelê careke din kurtesoheteke bû qismetê min.
Û em li panelê ne.
Berî ku ez gotinên wî rêz bikim, çend notên der barê panelê de?
- Mamoste Îsmaîl Beşîkçî saetek û 50 deqebê navber axivî. Piştre li dor saetekê jî beşa pirs û bersivan dom kir.
- Bi dengek nizm û nerm diaxivî. Deng ji guhê mirov diket hundir, ber bi dilê mirov ve diçû...
- Li ber dosyayên mezin û pirtûkên qirase nîn bûn. Tenê rûpelekî ku not girtibû hebû.
- Dema qala 'Kurd nîn e' û tiştên wisa ecêb dikir, bişirîneke diket ser lêvên wî.
- Yên ku hatibûn temaşekirinê beşeke gelek mezin jê kurd bûn.
- Bi giştî beşdar navsere bûn, ciwan di nav de pir û pir kêm bûn.
- Di dema pirsan de, li hemberî pirseke bi israr a bi ringê "Peyva Îdeolojiya Fermî aîdê te ye" bi awayekî mutevazî got; demek dirêj e em bikar tînin.
Û niha gotinên wî:
- Îdiolojiya Fermî her digot, 'Kurd nîn e, kurdî nîn e' dûre gotin kurd heye. Divê Îdeolojiya Fermî lêborîn ji kurdan biwxesta.
- Tirkiye ne demokratîk e. Di rojnameya Gundemê de ew qas îtîrafên îtîrafkarekî derketin ku wan kesên wekî Musa Anter, Vedat Aydin kuştiye. Ger Tirkiye demokratîk ba, divê li ser vê yekê doz vekira. Lê qet doz venekir. Dev ji vê jî berdin, li welatekî demokratîk kuştinên bi vî rengî ji xwe pêk nayên.
- Zanist lêkolîna li ser rastiyê, nêzîkbû rastiyê ye. Li zanîngehan li ser vê yekê lêkolînê dike. Lê li Tirkiyeyê ji vê wêdetir, texrîbkirina rastiyê, xerakirina rastiyê heye
- Li ser Susurlukê dozên giran venebûn. Çend ên biçûk vebûn ew jî kes du sê mehan raketin û derketin derve. Li Susurlukê baş doz bihata vekirin, di 2005'an de li Şemzînanê careke din dernediket derve.
- Min qet texmîn nedikir wê Celal Telebanî bibe serokkomar. Kurdên Başûr ji, ji rewşa wir ji xwe re sûdeyekê girtin.
.jpg)
