DiyarName.Com

ŞER GOTINEKE SAR E

Dîrok: 26/12/2015

Ev çawa çîrok e, ji hezaran peyvan helbestek nayê pê… Çi fotograf in, çîroka wan dibe agir hemî helbest û çîrokan dişewitîne… Çi deng e, çi hawar e; zarok bi tirs in… Ji sibê heya êvarê ‘merhemet’e! Îro, min dît bê li vê dinyayê çi feqîrî zor e; bûme feqîrê peyvan, peyvên we tunebin hûn feqîrê herî mezin in… Peyvên we tunebin rûmeta we namîne! Fotograf, deng û hawar peyvan dibin, peyv namînin li ser dil, li hemî aliyên hiş…

Heke şer qalik be û dem zivistan be jî em bihara xwe xeyal bikin xwe ji wî qalikî bikin. Tirs, mirin, êş bila bimîne pariya çîrokên ‘qulên dîwaran’… Ji bo demokrasiyê, ji bo jiyanake ku zarok bêyî lîstik nemînin, wekî her carî, meriv dibêje, aştî…

Şer gotinek sar e, belkî, ji ber wê yekê ye peyv ji wî warî difirin, dimînin li benda demsalekê ku navê wê demsalê aştî ye.

Hin Nivîsen Nivîskar

XWIŞK-XWEŞIK

06 Adar 2014

Di zimanekî de ger peyv û têgeh di ciyê xwe de werin bikaranîn ew ziman hem xweşik dibe hem aktîftir dibe. Ji alî wateyê ve ku peyv bi xelet werin bikaranîn ziman belawela...

VARTO MALA KÊ YE?

31 Berfanbar 2019

1Li metropolan, li deverên din yê dinyayê wexta vartoyiyek dibêje ez vartoyî me, pê re serbilindiyek, jixwebawerî û xirûr tê hîskirin. Ku heman tişt ji bo...

Tirsa Bê Diran/Tirsa Bi Diran

17 Avrêl 2007

“Tirsa bê diran” navê romana Helîm Yûsiv a dawî ye. Navê berhem û sernavê beşên berhemên Helîm balkêş in. Nivîskar carna bi...

Cîhan ROJ kî ye?

Cîhan Roj, di sala 1965'an de, (di qeyda fermî de 1964) li gundê Înaqa Gimgimê ji dayik bûye. Dibistana seretayî li gund, ya navîn û lîse li Gimgimê xwendiye. Despêka bi kurmancînivîsana wî 1993 ye. Di heman salê de helbest û çîrokên wî têne weşandin. Di salên du hezarî de ew hinek termên matematîgê diafirîne û ji Enstituyê re bi rê dike. Ew xebat di sala 2006'an de di Azadiya Welat de tê weşandin. Nivîskar ji sala 1993'yan heya sala 1997 an li Mêrdînê, li sendîkaya kedkarên qada perwerdehiyê, wekî sekreterê perwerdehiyê rêveberî dike. Di sala 2001'ê de, bi pêşniyara wî, li Îzmîrê, ‘Konferansa Nivîskaran’ tê lidarxisitin. Li dû konferansê, ew qerar digire û bi tenê bi edebiyatê re mijûl dibe. Dîwana wî ya ewil “Ratîka” di sala 2002'yan de çap bûye. Di gelek malper, rojname û kovaran de, nivîsên wî hatine weşandin. Romana wî “Perde” bi navê “Mahrum” bi tirkî derketiye. Bi tevî pirtûkek di derheqê Cîgerxwîn de hatiye weşandin, di pirtûka bi navê “Kawayê Min” de û di pirtûka kurteçîrokan a ji hêla Şaredariya Amedê ve hatiye çapkirin de ew jî yek ji nivîskaran bû.

Heya niha gelek pirtûkên wî ên helbestê, çîrok û romanên wî hatine weşandin. Dosya helbestan a nû "Asê", romana wî a nû “7 AV 7 Agir 7 Derî” bi tevî hemî berhemên wî wê heya payîza 2023'yan ji nav weşanên Peywendê werin weşandin.

Cîhan Roj hê jî bi romanûsiyê re mijûl e.