Diyarname

Ji îro pêde êdî kes nikare anketa biweşîne. Berî vê qedexeyê Gezici Araştirmayê anketa xwe amade kir û weşand. Di anketê de HDP wekî sedî 12.4 dixuye.

Anket di rojnameya YURT'ê de roja 27'ê mehê hat weşandin. Gezici Araştirma şîrketeke ku di van hilbijartinên dawî de encamên rast derdixe. Di Hilbijartina Serokomariya Kibrisê de (ji bo Dora 1'em û 2'yem) encamên wê rast deketin. Di hilbijartina 30'yê adara 2014'an a şaredariyan encamên baş derxistin û di hilbijartina Serokomariya Tirkiyeyê de got sedî 24 kes dê nezin deng nedin, encama fermî sedî 26 derket ku 2 pûnan wekî rewşek normal tê dîtin.

Niha berî ku qedexeya li ser weşandina hilbijartinê çêbibe, di dawiya gulanê de Gezîcî Araştirma anketa xwe çêkir û weşand. Anket rojên 23-24'ê gulanê ahtiye kirin. Li 7 herêman, 36 bajaran, 189 navçeyan (gund û tax jî têde) ligel 4 hezar û 860 kesî hatiye kirin. Nêzî nîvê kesên ji wan pirs hatiye kirin jin in. Hate gotin ku para xetakirina anketê sedî 1.5 e.

Gezici Araştirmayê di vê anketê de ev derxist holê:

Dengên Tirkiyeyê:

AKP: Sedî 39.1

CHP: Sedî 28.7

MHP: Sedî 17.1

HDP: Sedî 12.5

Yên din: Sedî 2.5

Dema dengên li derveyî Tirkiyeyê jî lê bêne zêdekirin:

AKP: Sedî 39.3

CHP: Sedî 28.5

MHP: Sedî 17.2

HDP: Sedî 12.4

Yên din: Sedî 2.5

Her wiha li gor anketê sedî 63.2 gotiye ku daketina qadan a Serokomar di serdema pêvajoyê de rast nabînim. Tenê sedî 28.2 gotiye ez rast dibînim.

**

Nûçeya eleqedar:

- Ji SONAR û SAMER'ê anketên nû: Vaye rewşa HDP'ê