Aydin Engîn

DÎHA, kurtenivîsa Ajansa Nûçeyan a Dîcleyê ye.

Gelo we bîhistiye nizanim. Ez ne bawer im jî. Bêhtir navendên nûçeyan ên rojname û televîzyonan dizanin û nas dikin. 

Dema ku çapemeniya AKP'ê qala wê dike her tim kevana "ajansa ku nêzî PKK'ê ye" li cem vedike. Ez bawerim ev pênasekirin ji ber ku DÎHA nûçeyên ku pêşkêş dike bêhtir bûyerên li bajarên kurd û têkîldarî gelê kurd çêdike ye.

Nûçegihanên ku di ajansên nûçeyan de dixebitin ji bo me qehremanên bênav ên pîşeyê ne Nûçeyên wan bên bikaranîn jî zêde qala navên wan nayê kirin. Lê di van rojan de qala nûçegihanên DÎHA'yê tê kirin. 

Di pîşeya me de rêgezem wisa heye: "Heke rojnameger bibe nûçe li wê derê şaşiyek heye." Ji bo ku rojnamegerên dixwazin xwe derxin pêş nûçeyê ev rêgez hatiye danîn. 

Lê sedema bihîstina navên nûçeyên DÎHA'yê di demên dawî de kêmasiya wan nîn e. Ew dîsa wekî qehremanên bênav ên pîşeyê xebitîn. Lê nûçeyên ku wan çêkirin, rastiyên ku derxistin holê li xweşa desthilatdariya  AKP'ê û şefên polîs, leşker û dozger û dadgeran neçû. Hem jî qet neçû. Polîs an jî cendirmeyan ew girtin binçavan, dozgeran lêpirsîn vekir, dadgeran jî ew girtin.

Bêguman ji ber ku tiştekî wekî "ji ber nûçe çêkiriye, ji bo agahdarkirina mafê gel ê di Zagona Bingehîn de heye xebitiye  hatiye girtin" tuneye û hikmekî bi vî rengî nikare bê dayîn, lewma bi gotina "ji ber ku endamiya rêxistinê û propagandaya rêxistinê kirine" ew hatine girtin. 

Ne yek, ne du, ne sê, ne pênc, tam 13 nûçegihanên DÎHA'yê li pişt caxên hesin in. Girtin û kengê dê derxînin pêşberî dadgehê nediyar e.

Navên wan rojnamegerên ciwan li cehike qeyd bikin: Nurî Akman, Nedîm Oruç, Nazim Daşdan, Feyyaz Îmrak, Mazlum Dogan, Ziya Ataman, Muhammed Dogru, Mehmet Hakki Yilmaz, Abdûlkadîr Turay, Meltem Oktay, Bîlal Gûldem, Şermîn Soydan, Nedîm Tûrfent.

Ez nikarim hemûyan yek bi yek binivîsim, cihê min tune ye.

13 nûçegihanê ajansekî biçûk tên girtin û jora desthilatdariya AKP'ê derewekî bêexlaq her dubare dike: Ji ber rojnamgeriyê nehatine girtin...

Ev derewa bêşerm ji bo we ne biyanî ye. Ji bo Can Dundar û Erdem Gul jî hemen benîştê derewê cûtibûn. Ji bo hevalên min Ahmet Şik û Nedîm Şener jî...

18.05.2016, Cumhuriyet