Diyarname

Nivîskarê xwediyê Xelata Nobelê ya Wêjeyê Orhan Pamuk ku li hemberî Derbeya 12'yê Rezberê daxuyanî da bû û ji aliyê Serokomarê wê derê Kenan Evren ve di nav 1383 kesî wekî "Xayînê welat" hatibû îlankirin, careke din dijî desthilatdarî derket. Pamuk xwedî li akademîsyenên ku daxuyanî dabû û ji hikumet û dewleta Tirkiyeyê re gotibûn "Em nabin şirîkê vî sûcî" derket. Piştî akademîsyenan daxuyanî da desthilatdariya niha di serî de Serokomarê Tirkiyeyê Recep Tayyip Erdogan û rayedarên din ew akademîsyen kirin hedefa xwe. Pamuk li hemberî vê xwedî li akademîsyenan derket û got: "Akademîsyenên ji bo aştiya ligel kurdan îmzeyên avêtine bin metnê ji bo vê tên binçavkirin ev yek zirarek mezin dide demokrasiya li Tirkiyeyê ku jixwe bi sînor e."

Pamuk ji bo rojnameya La Repubblica ya îtalyan axivî û wisa got: "Li Tirkiyeyê em tenê xwedî demokrasiya hilbijartinê ne, lê ji aliyê azadiya ramanê, wekheviya hêzan û xweseriya zanîngehê ve em ne xwedî demokrasiyeke bingehîn in. Li welatekî ku biryarên hikumetê bi zorê bi akademîsyenan bidin qebûlkirin, li wî welatî bi awayekî azad hilbijartin hebin jî mirov nikare qala demokrasiyeke bi temamî bike."

Piştgirî didom

Her wiha li dor 600 akademîsyenên din piştgirî dan akademîsyenan. Dîsa li hin bajaran ji beşên cuda mirovan serî li dadegehan da û got ku ew jî heman sûcî dikin; bi vî awayî piştgirî dan akademîsyenan.

**

Nûçeyên eleqedar:

- Weşanxaneyan jî piştgirî da akademîsyenan 

- Ji akademîsyenan danezaneke nû: Rejîma Erdogan nikare kurdan bikuje 

- Dengvedana daxuyaniya akademîsyenan: Hem piştgirî, hem lêpirsîn