...her ku agahiyên nû bên em dê li vir biweşînin...

Hevşaredarên Bajarê Mezin ên Amedê Gultan Kişanak û Firat Anli pênc roj berê hatibûn binçavkirin...

24.00 
Aktar: Berî girtinê girtîgeh jî amade kirine
Parêzerê Kişanak û Anli parêzer Mehmet Emin Aktar dema ji dadgehê derket daxuyaniyek da û îdîa kir ku berî wan derxin dadgehê diyar kirine ku dê bişînin kîjan girtîgehê û wisa got: "Me nikarî hîn bibin dê muwekîlên me bişînin kîjan girtîgehê lê bi qasî em hîn bûn berî ku biryara tewqîfkirina wan bê dayîn girtîgeha ku dê wan bişînin jî eyar kirine."

23.50
Hevşaredara Amedê Gultan Kişanak hat tewqîfkirin. Dadgehê pêşî parastina parêzerên wê girt, bi qasî nîv saetek berê navber da danişînê û niha biryara tewqîfkirinê da. Dadgehê bi sedema îhtîmal e bireve û sûcek din bike ew tewqîf kir.

23.20
Parêzerên Kişanak parastina xwe kirin. Dadgehê navdar da. Piştî navberê dê biryar bê dayîn.
Di vê navberê de li Amedê meseleya qutbûna înternetê dîsa li dar e. Înternet diçe û tê.

22.10
Me agahiya "Hevşaredara Amedê Gultan Kişanak piştî îfadeyê hat tewqîfkirin" weşandibû, xeber hat, dibêjin "Dadgeh hê didome." Em vê agahiyê rast dikin û bûyerê dişopînin.

Berî wê Hevşaredar Anli û Berdevka KJA'yê Ata hatibûn tewqîfkirin. 

21.30
Hevşaredarê Bajarê Mezin ê Amedê Firat Anli bi îdîaya "Endamtiya rêxistinê" hat tewqîfkirin.

Her wiha Berdevka KJA'yê Ayla Akat Ata jî bi heman sedemê hat tewqîfkirin. Ata ji bo binçavkirina hevşaredaran şermezar bike ligel komek jinana çalakî li dar xistibû û hatibû binçavkirin.

Niha dadgehkirina Hevşeredar Kişanak didome.

17.30
Dozger piştî îfadeyên Kinaşak û Anli girt bi daxwaza tewqîfkirinê ew şandin cem dadger. Her wiha dozger xwest Ayla Akat Ata jî bê tewqîfkirin.

Saet 13.00
Hevşaredar li dadgehê ne lê hê jî îfade negirtine. Hin mebûsên HDP'ê li wir amade ne. 

Saet 12.00
Hevşaredar Kişanak û Anli anîn dadgehê. Ew dê îfadeyê bidin dozger. Li gor rêgezêdozger yan dê wan bişîne ber dadger, yan jî berde. 

Saet 10.00
Li derdora Dadgeha Amedê ewlehiyek mezin hatiye girtin. Li bendê ne Hevşaredaran binîn dadgehê.

30.10.2016, îro, serê sibê:
Li gor agahiyên Parêzerên Hevşaredaran parêzer Mehmet Emîn Aktar ragihandine polîsan îfadeyên Kişanak, jendirmeyan jî îfadeyên Anli girtine. Wan ne bi zorê, bi dilxwazî îfade daye. Dikaribûn nedin jî.

29.10.2016
3 Parêzerê Hevşaredaran êvarê çûn serdana Kişanak û Anli. Morala wan baş bû. Wan diyar kiriye ku li ser daxwaza xwe wan îfade dane, bixwestana dê îfade nedana, tenê dê îfade bidana dozger. 

**
Nûçeyên Elqedar:

- Gultan Kişanak û Firat Anli ligel parêzeran silav şandin 

- Tîmên sporê piştgirî dan Hevşaredaran 

- NY: Bila Tirkiye hurmetê nîşanî mafên mirovan bide 

- Ji Leyla Xalîd ji bo Kişanak peyama piştevaniyê 

- Şaredarên Koln û Rennesê piştgirî dan Hevşaredarên Amedê 

- 97 saziyên jinan piştgirî dan Gultan Kişanak 

- Demirtaş: Heta şaredarî bi paş ve neyên dê berxwedan bidome 

- Di 10 xalan de binçavkirina Kişanak û Anli 

- YE'yê ji bo bin çavkirina Hevşaredaran bertek nîşan da 

- Nahêlin parêzer jî li dosyaya Kişanak û Anli binêrin

- Polîsan êrîşê wekîlan jî kir

- Hevşaredarên Amedê Kişanak û Anli hatin binçavkirin kirin