Diyarname

Îro li ser fûtbolê 5 nûçe derketin pêş ku yek jê li ser Amed Spor, yek jî li ser Dêrsimê ye...

Amed Sporê siûdek mezin ji dest da

Nûçeya me ya yekem li ser Amed Sporê ye. Amed Spor di Koma Spî ya Lîga 2'yemîn a Tirkiyeyê de dilîze û di rêza duyemîn de ye. Li pêş wê Îstanbul Spor di rêza yekemîn de ye, di navbera her duyan de 2 pûan hene.

Îro maça herduyan jî hebû. Îstanbul Spor ligel Kocaeli Birlik lîst ku Kocaeli hedefa wê ew e ku beşdarî Play offê bibe.

Amed Spor jî li Enqereyê ligel Hacettepe dilîst ku Hacettepe tu îdîayek wê nîn e. Îstanbul û Kocaeli 1-1 wekî hev man, Amed spor bi ser bikeve dê biba yekemîn û dima hefteya dawî ka çi dibe. Lê Amer spor jî wek hev ma: 0-0. Yanê siûdek baş ji dest xist.

Di dawiya her du maçan de Îstanbul Spor bi 65 pûanan yekemîn, Amed Spor bi 63 pûanan duyemîn e. Hefteya pêşiya me Îstanbul Spor li mala xwe ligel Sivas Belediye, Amed Spor jî li mala xwe ligel Kahramanmaraşê dê bilîze. Tîma bibe şampiyon derbasî Lîga 1'em a Tirkiyeyê dibe, tîma duyem ligel tîmên din Play Offê dê bilîze.

Amed Sporê mafê lîstina Play Offê bi dest xistiye, lê ger Îstanbul têk here û Amed Spor jî bi ser bikeve dê Amed Spor bibe şampiyon. Hêviya her du tîman jî maye hefteya pêşiya me ku bi vê îsal Lîga 2'yem temam dibe.

Ankaragucu bû şampiyon

Di Koma Sor a Lîga 2'yemîn de MKE Ankaragucu li hemberî Kayseri Erciyes bi 1-4 bi ser ket û pûanên xwe derxistin 69'an. Bi vê yekê berî hefteyek ku lîg bi dawî bibe bi 4 pûanan derket pêş û şampiyonî bi dest xist. MKE Ankaragucu dê sala bê di Lîga 1'em de bilîze.

Fenerbahçeyê 6 pûan ji Galatasaray girtin!

Her du tîmên reqîbên hev ên her demî Galatasaray û Fenerbahçe li Arenaya Galatasaray hatin hemberî hev. Pûanên Fenerbahçeyê 50 (rêza sêyem) yên Galatasaray 49 (rêza 4'em) bûn û ev maç ji bo bi cih bûna rêza sêyemîn gelek girîng bû. Di deqîqeya 90+1 ji Fenerbahçeyê Josef gol avêt û maç bi 1-0 serketina Fenerbahçeyê bi dawî bû. Fenerbahçeyê pûanên xwe derxistin 53'yan û cihê xwe hinek din xurtir kir. Galatasaray di 49 pûanan de ma. Di lîgê de Beşîktaş bi 61 pûanan (maçek wî kêm e, sibê dê ligel Adanayê bilîze) yekemîn, Başakşehir jî bi 57 pûanan duyemîn e.

Şampiyonên Lîga 3'yem diyar bûn

Di Lîga 3'yem, Koma 1'em de Sancaktepe Belediye (bi 69 Pûanan), di Lîga 3'yem Koma 2'yem de Bodrum Belediye BodrumSpor (bi 64 pûanan), di Lîga 3'yem Koma 3'yem de jî Afjet Afyonspor (bi 74 pûanan) berî dawîbûna lîgê bi hefteyek bû şampiyon.

Dêrsim spor ji Lîgê ket

Ji tîmên kurdan Dêrsim spor ku li hemberî Yeşil Bursa 3-0 têk çû û di rêza 16'an de ma, ji lîgê ket. Yanê ji jêr de bû sêyemîn û bi vê encamê ji lîgê ket. Dêrsim spor sala bê êdî dê Lîga Amatoran a Herêmî de bilîze. Li Tirkiyeyê bi rêzê Super Lîge, Lîga 1'em, Lîga 2'em û Lîga 3'yem lîgên profesyonel in.