Diyarname
Wezîrê Karên Derve yê Tirkiyeyê Beşîr Atalay îro çû serdana DTP'ê. Vane notên ji vê hevdîtinê.

Di çarçoveya çareserkirina pirsgirêka kurd de Wezîrê Karên Hundir yê Tirkiyeyê Beşîr Atalay îro çû serdana DTP'ê û bi Hevserokê DTP'ê Ahmet Turk û rêveberên partiyê re axivî.

Wezîr Atalay, piştî hevdîtina bi DTP'ê axivî û xwest ku her kes piştgiriyê bide vê pêvajoyê. Atalay wisa got:
- Proyeya me projeya biratî û aramiya Tirkiyeyê ye, divê her kes ji vê yekê bawer bike.
-  Em girîngî didin hevdîtinên partiyên siyasî û em dixwazin di bin sîwana parlementoyê de vê pirsgirêkê çareser bikin.
- Ev proje projeya aramî û biratiyê ya Tirkiyeye ye. Di van hevdîtinen partiyên siyasî de riya me ronî dibe. Tirkiye welatekî mezin e. Divê em ji xwe bawer bin, em dê pirsgirekê çareser bikin. Pirsgirêkên xwe em dê bixwe çareser bikin."

Atalay duh bi TOBB, DP, BBP re hevdîtin pêk anî bû. Îro digel DTP'ê bi TBB, Turk-Îş, Hak -Îşê re hevdîtin saz kir û roja sêşema pêşiya me jî dê bi TUSÎAD'ê re hevdîtineke çêbike.

Hevserokê DTP'ê Ahmet Turk jî li ser hevdîtina wî û Wezîr Atalay wisa got:
- Piştî êşa 30 salan pêvajoyek sîyasî dest pê kiriye. Bila projeya ku 72 milyonî dixe nava xwe amade bikin, tiştê ku dikeve ser me em dê bikin.
- Em ji pêvajoyê bi hêvî ne. Em hêvî dikin ku ev hêvî û hewldanên me dê neşkên. Ya muhîm ew e ku her kesî fam kir ku pirsgirêk bi çekan çareser nabe. Niha li ser navê hikumetê Wezîrê Karên Hundir tev digere. Wekî partiyek siyasî em jî ji piştgirî û çareseriyê re amade ne. Armanca me di nava yekîtî û tifaqiyê de çareseriya pirsgirêkê ye. Ji bo em hemû gelê xwe hembêz bikin, em di nava hewldanan de ne. Armanca me Komara Demokratîk, Tirkiyeya demokratîk e. Em dixwazin tirk û kurd her kes karibe xwe serbest îfade bike.