Diyarname
Kanala NRT ku li Başûr weşanê dike, di van demên dawî de jî ji bo referandûmê li ser "Na"yê disekiniyan weşana wê hat rawestandin. NTR dibêje Mesûd Barzanî bi xwe weşan daye rawestandin.

NRT koma çapemeniyê ye ku nêzî Goran e. Navenda wê li Silêmaniyeyê ye û bi giştî li Başûr xelk lê temaşe dikin. Di van demên dawî de NRT di warê referandûmê de ji çapemeniya Başûr cudatir gelek cih dida yên ku dibêjin "Na" jî. Lê niha weşana wê hat rawestandin. Rêveberiya Ragihandinê ya li Hewlêrê weşana wê da rawestandin. Wekî sedem jî hat gotin ku di 2014'an de li gor zagona çapemeniyê xala A ev biryara rawestandina weşanê hatiye dayîn. Lê biryara ku 2014'an de hatiye girtin çima niha ketiye faliyetê pirsek din e li holê.

Xwediyê kanala NTR Şasiwar Ebdulwehîd meha borî kampanyaya "Tevgera Na ji bo Referandûmê" dabû dest pê kirin.
Di daxuyaniya ku NRT'ê weşandiye de wisa hatiye gotin: "Bi rêya Rêveberiya Ragehandin û Çap û Belavkirinê ya li Hewlêrê û  bi biryara Mesûd Barzanî  kanal hatiye girtin."
Her wiha di daxuyaniyê de NRT wisa dibêje, "Ev kar li hemberî zagonên karê rojnamegeriya herêmê ye ku di sala 2007'an de ji aliyê Parlemena Kurdistanê ve hatiye qebûlkirin ku Barzanî bi xwe îmze kiriye."

Ev e lînka daxuyaniyê: NRT