KIRMAŞAN
Nivîskarê kurd ê ji bajarê Kirmaşan ê rojhilatê Kurdistanê Elî Eşref Derwêşiyan li nexweşxaneya bajarê Kerec di temenê xwe yê 76 salî de koçî dawî kir.
Hevsera Elî Eşref, Şanaz Darabiyan bi telefonê ku ji bo Rojnewsê axivî, agahiyên wefata Elî Eşref piştrast kir.
Nivîskar Elî Eşref Derwêşiyan di nîsana 2007’ê de ji ber tansiyona bilind, aliyekî mejiyê wî xwîn çû ser û li nexweşxaneya Ayranmihr a Tehranê hate emeliyetkirin.
Elî Eşref Derwêşiyan di 26’ê gelawêja 1941’ê de li bajarê Kirmaşan hat dinê. Wî xwendina xwe ya zanîngehê li Tehranê xwend. Zêdetirê 30 pirtûkên wî yên bi zimanê farisî li ser çand û hunera kurdî nivîsin hene.
Her wiha pirtûkên wî ji bo zimanê kurdî û gelek zimanên din ên cîhanî hatine wergerandin.