Diyarname

Vê hefteyê sê ji Tirkiyeyê sê biyanî 6 fîlmên bi navê Eyvah Eyvan, Nine, Deli Dumrul Kurtlar Kuşlar Aleminde, Invictus, Veda, The Lovely Bones ketin vîzyonê.

Vane fîlmên hefteyê:

Eyyvah Eyvah - Heywax, Heywax
Derhêner: Hakan Algul
Lîstikvan: Ata Demirer, Demet Akbag, Ozge Şakrak Borak, Salih Kalyon

Di serdemeke ku li Tirkiyeyê fîlmên komedî yên wekî Receb Îvedît û yên din balê dikişînin din vê carê komedyenekî din Ata Demirer fîlmekî pêşkêş dike. Fîlmê bi navê "Eyvah Eyvah" ku serlîstikvaniya wî Demîrer û Demet Akbag dikin tê meraqkirin ku wê bi hejmara temaşevanan bigihîne fîlmên din an na...

Vaye çîroka fîlm: Huseyîn li gundekî Trakyayê tevî kal û pîra xwe mezin bûye. Du hezkirinên wî hene: Pifkirina klarnetê û hejkirina ji Mujganê. Ew bi van kêfa xwe dike lê ji nişke ve ji ber bûyereke ew ji gund vediqete. Huseyînê ku tê Stenbolê pêşî wê klarneta wî, dûre jî wê Fîrûzan jêre bibe alîkar. Fîrûzana ku li klûbên şevê dixebite jiyana wê rengo mengo û ew qasî jî tevlihev e. Dema Huseyîn nas dike jiyana wê dikeve nav henek û macerayan.

***

Nine - Neh
Derhêner: Rob Marshall
Lîstikvan: Nicole Kidman, Penelope Cruz, Judi Dench, Daniel Day Lewis

Fîlmê bi navê "Nine" (Neh) ku lîstikvanên navdar têde dilîzin li ser çîroka derhenerî bi navê Guido ku êdî jîrbûna wî û jiyana wî ya evînî têkçûye. Li ser vê ew fîlmê xwe yê dawî dikişîne. Di dema ku ew dike ji tengezariya xwe derkeve, di nav têkiliya ku bi gelek jinên xweşik re çêkiribû de winda dibe.

Dostika wî, jina wî, periya îlhamê, razdara wî, muxbîra nazenîn, fahîşeyeke xwendekar û diya wî. Guido bi van hemûyan re di nav têkiliyê de ye û niha dike ku ji navê derê.
Wekî notek: "Nine" di çar waran de berendamê Oscarê ye.

***

Deli Dumrul Kurtlar Kuşlar Aleminde - Dumrulê Dîn li nav Alema Çivîkan e
Derhêner: Oguz Yalçin
Lîstikvan: Emir Benderlioglu, Sema Ozturk, Mustafa Ustundag, Arzu Yanardağ

Dumrul a rast ciwanekî xwedî bawerî, merd û egîd e lê bi salan berê dema li nav kuçeyê xwestibû bi kesekî birîndar û nas nake re alîkarî bike li ser sûcê hatibû qufaltin. Dema cezaya wî temam dike jî serdema perwerdehiyê jî êdî derba bûye, yanê jiyan lê teng bûye. Li hundir tekane tiştê ku hîn bûye "qebedayîtîye". Wê çaxê ji bo jiyana xwe wê vê yekê bikar bîne.

***

Veda - Xatirxwestin
Derhêner: Zulfu Lîvanelî
Lîstikvan: Sinan Tuzcu, Serhat Mustafa Kiliç, Dolunay Soysert, Ozge Ozpirinçci

Derhêner û muzîkar Zulfu Lîvanelî ku heta niha derhêneriya fîlmên bi navê "Yer Demir Gok Bakir", "Sis" û "Şahmaran" kiribû niha îmzeya xwe avêt bin fîlmekî din. Fîlmê Lîvanelî "Veda" li ser Ataturk e. Fîlm li ser bîranînên Salih Bozok ên bi Ataturk re hatiye kişandin. Qala zarokatiya Ataturk heta çekdariya wî, dûre heta avakirina Komarê disekine.

***

Yenilmez - Invictus
Derhêner: Clint Eastwood
Lîstikvan: Morgan Freeman, Matt Damon, Scott Eastwood, Langley Kirkwood

Fîlmê bi navê Invictus li Tirkiyeyê bi navê "Yenilmez" ketiye vîzyonê. Fîlm li ser çîroka Nelson Mandela ye. Mandela ji bo yekîtî û bi hev rebûna welatê xwe saz bike bi kaptanê tîma fûtbolê ya Afrîkaya Başûr re li hev dike. Mandela ku nû hatiye hilbijartin dizane ku gel ji ber nijad û aboriyê bi cudatiyê re rû bi rû ne. Mandela ji ber ku bawer dike spor bi zimanê navneteweyî mirovan digihîne hev, di Kûpaya Cîhanê ya sala 1995'an de piştgirî dide tîma fûtbolê ya Afrîkaya Başûr.

***

Cennetimden Bakarken - Li bendemayîna cenetema min - The Lovely Bones
Derhêner: Peter Jackson
Lîstikvan: Mark Wahlberg, Rachel Weisz, Susan Sarandon, Stanley Tucci

Susie di 14 saliya xwe de hatiye kuştin û çûye cenetê. Piştî mirinê jiyana wê ya bêyî wê didome, şiroveyên li ser windabûna wê, hêviya malbata wê ku hê li bendê de keça wan zindî bê dîtin û rewşa qatil ku dixwaze delîlan ji holê rake... Fîlm li ser van diçe û tê.