Diyarname
Hejmara nû ya kovara Nûbiharê derket. Di kovarê de edîtorê kovarê nivîsa “Kî mihtacî îrşadê ye” nivîsandiye.

Kovara çandî, hunerî û edebî Nûbihar ku  sê mehan carekê dertê lê vê carê hejmara xwe ya payîzê bi derengî derxist. Bi derengî be jî kovarê hejmara xwe ya nû, ya 113’an de gihand ber destê xwendevanên xwe. Kovara ku ev 19 sal in weşana xwe didomîne edîtoriya wê Suleyman Çevîk dike. Çevîk di vê hejmarê de bi sernavê “Kî mihtacî îrşadê ye” hewildanên pergalê yên li ser “Îrşadkirin” û “Misilmankirina” kurdan disekine û vê polîtîka sîstemê ya nêtxerab û bedarmanc rexne dike. Di berdewamiya nivîsê de Çevîk wisa dibêje: “Pêdiviya Îrşad û teblîxê li qeraxên deryayên rojava û li Tiraqyayê ji ya Kurdistanê gelekî zêdetir e.”

Di kovarê de Azîz Samûr bi navê “Di wêjeya Kurdî ya gelêrî de çîvanok” dest avêtiye berhevkirina çivanokan û M. Êhsan Hêvîdar jî “Ji çîvanokên Kurdî”  parçeyeke ji zargotina kurdan pêşkêşî xwendevanan kiriye.

M. Mûnîr Tîmurtaş nivîsa xwe ya lêkolînî li ser eşîrên Botan, xweşmêr jî li ser “Belaxeta edebiyata qlasîk” nivîs nivîsandiye.

Ehmed Akin, li ser jiyan, edebiyat û felsefa Melayê Cizîrî bi Selman Dilovan re hevpeyvînek kiriye

Mûrad Celalî jî li ser pirtûka M. Emîn Zekî Beg dîroka kurd û Kurdistanê nirxandineke kiriye.

Di kovarê de Jan Dost, Zilkîf Xweşhêvî, Sidîq Gorîcan, M. Ali Aluç, Metîn Kewê Dilxêrî, Mem Xelîkan, Şemrexî, Mihemed Jiyan, Seydayê Cirnêreş, Yusuf Baği, Pîrê Kal, Abdusselam Melal, Hasan Huseyin Çevik, Peyrew Ronî, Mehmet Bozkoyun, Langstone Hughes, Ayhan Geverî û Azad Rêbiwar bi helbestên xwe; Felat Dilgeş, Wisîf Zozanî, Kamran Simo Hedilî, M. Zahir Ertekin, Bavê Xecê, Ahmet Gemi, Kenanê Nado, Kenan Erdencî, Abdulkadîr Bîngol, M. Nesîr Basneyî, Hemkoçerê Cezawîr, Rahmetullah Karakaya, Hatice Mollakendî, Ayhan Geverî û Hesen Polat jî bi nivîsên xwe beşdarî vê hejmara kovarê bûne.