Diyarname
Yek ji tîmên mezin ê Îtalyayê Juventusê xaleke nû dixe nav dîroka fûtbolê.

Li Îtalyayê tîma Juventus tîmeke bajarê Torîno ye û tîmê bi salan maçên xwe li Stada Delle Alpi ku Dûrî navenda bajêr e dilîst. Bi destpêkirina serdema maçan a 2011-2012'an re Juventus derbasî stada xwe ya nû dibe. Ev stada ku nêzî bajêr e bi teknolojiye hatiye xemilandin, lê jê wêdetir bi biryareke nû bala hemû dinyayê kişand: Li gor vê biryara Juventusê beşeke trîbunên stadê tenê ji bo malbatan veqetandiye. Malbatên ku nexwazin xirecir hebe, bixwazin bi aramî li maçê temaşe bikin dê li vê beşê bi cih bibin.
Li gor agahiya ku ji tîmê hatiye dayîn, ji roja ku klûbê ev biryar girt û heta niha 4 hezar heb bilêtên kombîne firotine.
Juventus ku di salên borî de her ku çû hejmara temaşevananê wê kêm bûbû, bi vê biryara xwe xwestiye hejmara temaşevanan zêde bike.
Ji bo destpêka serdema nû ya maçan hê gelek maye lê ji niha de vê kiryarê eleqe dîtiye.