Agirî
Komeleya Piştgirî û Alîkariya Çandî ya Agiriyê (AKYAD) xwest li Agiriyê lîstika bi navê "Aladagli Miho" li Agiriyê bide lîstin lê Şaredarî cih neda wan.

Lîstika "Aladagli Miho" (Mihoyê Girêsor) berhemeke Omer Polat ê ji agiriyê ye û lîstik ji aliyê Koma Şanoyê ya Şaredariya Bajarê Mezin a Amedê ve hatiye lîstin.
AKYAD'ê jî xwest vê lîstikê li Agiriyê derxe pêşberî şanohezan. Ji bo vê yekê cih serî li Şaredariyê û Midûriyeta Perwerdehiyê ya Neteweyî da. Lê ne Şaredariya Agirî ku di destê AK Partî de ye, ne jî midûriyetê cih neda wan.

AKYAD'ê bi daxuyaniyeke nivîskî diyar kir ku li Agiriyê ku xebatên çand û hunerî kêm in, wan xwestiye li Agiriyê bernameyeke şanoyê çêbikin. Di daxuyaniyê de wisa tê gotin: "Me pêşî serî li Şaredariyê da û me xwest destpêka Kolana Komarê ji me re bê veqetandin. Me bi nivîskî jî bi devkî jî serî lê da lê tu bersiv nedan me. Me serî li Midûriyeta Perwerdehî ya Neteweyî jî lê ne li salonê, ne jî li kuçeyê cih nedan me. Ji ber vê yekê me nikarî lîstikê bidin lîstin."

Ger cih bihata dayîn îro dê lîstina "Aladagli Miho" li Agiriyê bihata lîstin.

Lîstika Omer Polat wekî pirtûk jî hatiye weşandin (Weşanên Mitos Boyut). Lîstik ji aliyê Emin Yalçinkaya ve ji bo kurdî bi navê "Mihoyê Girêsor" hatibû wergerandin û lîstikvanên Şaredariya Bajarê Mezin a Amedê bi kurdî lîstibû. Derhêneriya lîstikê jî Yalçinkaya kiribû.