Diyarname

Di roja yekemîn a maçên Dora 16'an ên Euro 2020 de du maç hebûn. Ji tîman Danîmarka û Îtalya bi ser ketin û derbasî çarîk fînalê bûn.

Danîmarka bi 4 golan bi ser ket

Di tûrnûvaya Euro 2020 de maçên Dora 16'an îro saet 19'an de bi maça Galler û Danîmarkayê dest pê kir. Di maça ku Danîmarka gelek baş lîst de tîm bi 4 golan derket çarîk fînalê.

Maça Galler û Danîmarkayê li Stada Johan Cruyff a li Amterdamê hat lîstin. Danîmarkayê di deqîqeya 27'an de bi Kasper Dolberg bi 1-0 derket pêş. Nîveka yekemîn wisa xilas bû. Di nîveka duyemîn de Danîmarka dîsa bi golê dest bi maçê kir: Hê di deqîqeya 47'an de lîstikvan Dolberg xetaya defansa Gallerê efû nekir û hem li ser navê xwe, hem li ser navê tîma xwe gola 2'yan avêt. Di deqîqeya 88'an de vê carê Joakim Maehle li ser dikê bû û  encama dawî Martin Braithwaite di deqîqeya 90+4'an de got.

Li aliyê din ji Gallerê Herry Wilson di deqîqeyên dirêj de qerta sor dît.

Bi vê encamê de Danîmarka wekî tîmê pêşî derket çarîk fînalê û Galler jî ji tûrnûvayê xatir xwest.

Îtalyan di 120 deqeyan de bi ser ketin

Di maça duyem a Dora 16'an a tûrnûvaya Euro 2020 de Îtalyayê di sedî 120 deqîqeyan de bi 2-1 Avusturya têk bir û derbasî çarîk fînalê bû.

Îtalya û Avusturyayê di 90 deqîqeyên maçê de nekarîn hev têk bibin û derbasî dora zêdek bûn. Di deqîqeya 95'an de Îtalya bi Federico Chiesa bi 1-0 derket pêş. Dûre di deqîqeya 105'an de Matteo Pessina tîma xwe bi 2-0 derxist pêş Avusturyayê di deqîqeya 114'an de bi Sasa Kalajdvic bersiv da lê têre nekir. Bi vê encamê Îtalya derbasî çarîk fînalê bû û Avusturya xatir xwest.

Îtalya bi vê maçê tam bû 31 maç ku têk naçe.