Diyarname

Li dinyayê li gelek welatan doza sêyemîn a derziya Covid-19 li mirovan dixin û niha Îsraîlê biryara derzîkirina 4'emîn a ji bo hemwelatiyên xwe da. Bi vê yekê li dinyayê Îsraîl bû yekemîn welat ku lêdana derziya 4'emîn erê dike.

Wezîrê Tenduristiyê yê Îsraîlê Nachman Ash roja 30'ê mehê daxuyaniya çapemenî li dar xist û li ser 4'emîn derziyê agahî da. Ji ber cureya nû ya kovîdê a bi navê Omicronê biryareke wisa hatiye girtin. Wezîr Ash diyar kir ku ji ber koma bi rîsk wan biryareke wisa daye.

Li Îsraîlê heta niha mîlyonek û 300 hezar kes bi vîrusê ketine û heta niha 8 hezar kes mirine.