AMED

Ev 3 meh in 16 rojnamegerên kurd girtî ne û mafên wan ên xwezayî jî têne astengkirin. Niha jî bi sedema "Qedexe ne" rojnameyan nadin wan. 
Rojnamegerên kurd 16'ê meha pûşpera îsal hatin girtin. Ji wan, rojnameger Zeynel Abidin Bulut ê li Girtîgeha Ewlehiya Bilind a Hejmara 2’yan a Amedê tê girtin, ragihand ku rojnameyên Yenî Yaşam, Evrensel û BîrGun nadin wan. Bulut got ku ji bilî radyoyeke bisînor derfetên tu qenalên televîzyon û weşanên muxalîf ku bişopînin jî nîn e. 
Her wiha li gor agahiya ku Bulut şandiye, wan xwestiye di meha rezberê de bibin aboneyên rojnameyên wekî Yenî Yaşam, BîrGun û Evrenselê lê ev daxwaza wan hatiye redkirin. Bulut diyar kiriye ku rêveberiya girtîgehê bi devkî gotiye "Ev rojname qedexe ne" lê wî rêgez bi bîra wan xistiye û bi daxwaznameyê bi awayekî fermî serî li rêveberiya girtîgehê daye. Heta niha jî ne bersiv dane daxwaza Bulut, ne jî rojname dane wî.
***

Nûçeya Eleqedar:

- Mafên rojnamegerên girtî binpê dikin