Cemil Oguz

Îsal di çarçoveya Festîvala Amedê de Konferansa Navneteweyî ya Ehmedê Xanî jî tê li dar xistin.

8'emîn Mîhrîcana Çand û Hunerê ya Amedê îsal di navbera 27'ê gulanê- 1'ê pûşperê de li dar dikve. Di çarçoveya festîvalê de Konferansa NAvneteweyî ya Ehmedê Xanî jî li dar dikeve. Şaredarê Bajarê Mezin ê Amedê Osman Baydemîr, diyar kir ku wan festîvala îsal diyarî fîlozofê kurd Ehmedê Xanî kiriye.

Şaredar Baydemîr diyar kir ku wan festîvala îsal diyarî fîlozofê kurd Ehmedê Xanî kirine û wiha got: "Xanî, ligel ku gelek berhem afirandine, 'Mem û Zîn'ê pêşkêş kiriye, çanda kurdî gelek bi pêş ve biriye jî zêde nayê nasîn. Ji bo Xanî bi awayekî baş bê nasîn û bê fêmkirin em dê hewl bidin ku wî bidin nasandin.”

Ji bo nêrînên zanyar ên di warê wêje, huner û siyasetê de bigihin gel di çarçoveya Konferansa Navneteweyî ya Ehmedê Xanî de Prof. Dr. Abbas Welî, Îzeddîn Mistefa Resul, Martîn Van Bruinessen, Serokê Enstîtuya Kurd a Stenbolê Samî Tan, Lêkolîner Amîr Hassanpoûr, Hîndekarê Zanîngeha Dîcleyê Kadrî Yildirim, Abdullah Varli, Abdullah Keskîn, Halîl Rahman Açar, Reşid Findî, Perwîz Cîhanî, Zana Farqînî, Tehsin Îbrahîm Doskî, Serdar Şengul û Remezan Alan dê beşdarî festîvalê bibin.

Mijarên ku di konferansê de li ser Ehmedê Xanî bêne nîqaşkirin jî balkêş in. Mînak; ‘Muzîk û Ehmedê Xanî', 'Rola Ehmedê Xanî di şiyarbûna neteweya kurd de û Mem û Zîn', 'Felsefeya Dîwanê ya Ehmedê Xanî', 'Ehmedê Xanî; rexneya demê' û 'Ehmedê Xanî û siyaseta kurd’...

Hemû bernameya Konferasa Navneteweyî ya Ehmedê Xanî:

30 Gulan, În

Axaftina Destpêkê 14:00-14:15
Osman Baydemir  (Serokê Şaredariya Bajarê Mezin a Amedê)

BEŞA YEKEMÎN JIYAN Û BERHEMÊN EHMEDÊ XANÎ

Rûniştina Yekemîn 14:15-15:45
Moderator Abdullah Keskîn
Abdullah Varli: Tevahiya Jînewariya Ehmedê Xanî
Kadri Yildirim: Tehlîla Berhemên Ehmedê Xanî Ji Hêla Şêwaz û Naverokê Ve (“Eqîdeya Îmanê” û “Nûbihara Biçûkan”)

Navber           15:45-16:00

Rûniştina Duyemîn 16:00-17:30
Îzeddîn Mistefa Resûl: Mem û Zîna Ehmedê Xanî û Çend Mem û Zînên Din
Samî Tan: Di Berhemên Ehmedê Xanî de Bikaranîna Kurmancî
Jan Dost: Mem û Zîn: Kiteba Kurdan

Nîqaş 17:30-18:00
Cih: Salona Şanoyê ya Şaredariya Bajarê Mezin
 

31 Gulan, Şemî

BEŞA DUYEMÎN EHMEDÊ XANÎ: MÎRATEYA WÊJEYÎ Û ESTETÎK

Rûniştina Sêyemîn 10:00-11:30
Moderator Enîse Çager Ekîncî
Kadri Yildirim: Tehlîla Berhemên Ehmedê Xanî Ji Hêla Sembolîzmê Ve
(“Dîwan” û “Mem û Zîn”)
Halil Rahman Açar: Di Dîwana Ehmedê Xaniyê Rûspî de Temayên Felsefî
Reşid Findî: Felsefeya Evînê Di’Mem û Zîn’a Xanî De

Navber                     11:30-11:45

Rûniştina Çaremîn 11:45-13:15
Perwîz Cîhanî: Wênenigarî Di Mem û Zînê De
Zana Farqînî: Ehmedê Xanî û Muzîk   
Tehsin Îbrahim Doskî:  Ehmedê Xanî, Rexneya Demê
Nîqaş 13:15-13:30

Firavîn 13:30-15:00

BEŞA SÊYEMÎN NÊZÎKTÊDAYÎN Û NÎQAŞÊN ROJEVÊ

Rûniştina Pêncemîn 15:00-17:30

Moderator Serdar Şengul
Martin van Bruinessen: Mem û Zîna Ehmedê Xanî û Rola Wê ya Di Pêkhatina Hişyarbûna Neteweyî a Kurd De
Abbas Valî: Ehmedê Xanî û Siyaseta Kurd a Îroyîn
Amîr Hassanpour: Xanî, Helbestvanê Rûmetê ê Mîrîtiyên Kurdan:Li Ser Basîtbûna Teoriyên Neteweperweriya Bûrjûwa
Remezan Alan: Di Nav Lepên Şîroveyan de Mesnewiyeke Mîstîk

Navber             17:30-18:00

BEŞA ÇAREMÎN RÛNİŞTİNA GIRTINÊ

Forum û Nîqaş 18:00-19:00
Moderator:                           Kadrî Yildirim 
Cih: Salona Şanoyê ya Şaredariya Bajarê Mezin