Diyarname

Amed Sporê roja 31'ê adarê ligel teknîk dîrektor Bulent Akan li hev kir û tim teslîmê wî kir.

Rêveberiya Amed Sporê berî çend rojan ligel teknîk dîrektor Bulent Akan hevdîtin çêkir û duh di merasima Serokê Amed Sporê Selahattin Yildirim amade bû de imze avêt.

Bulent Akan kî ye?

Teknîk dîrektor Bulent Akan di sala 1974'an de li Erzînganê hatiye dinê. Xwedî Lîsansa A ya UEFA'yê. Di sala 2009'an de li Hatayê wekî cîgerê antrenor dest bi vî karî kiriye. Heta niha li îskenderûn, Erzincan, Diyarbekir, Silivri, Mereş, Ankara DemirSporê peywir girtiye. Jixwe herî zêde jî li vir kar kiriye (2020-21, 40 maç). Ew bi salan de di Lîga 2'yemîn a Tirkiyeyê de dixebite. Herî dawî par teknîk dîrektorê Karacabey Bld. bû. Ew zêdetir sîstema 4-2-3-1 dide lîstin.  

Bulent Akan piştî îmzeyê ev peyam da: "Amed spor klûbek xwedî marka ye, klûbek bi nirx e, bi qîmet e. Berî maça Sêwasê gazî min kirin. Ez hatim em rûniştin, di hedefan de me li hev kir. Em hatin xizmetê bo alîgirên Amed Sporê Tbikin, em hatin bi ser bikevin. Em hatin bibin şampiyon."

Akan got ku "îm demoralîze bûye, bi taybetî piştî erdhejê. Ev aliyê neyînî ye" û wiha dom kir, " Aliyê erênî çi ye? Ev tîm çar pênc hefte berê lîder bû. Ev potansiyela wê heye, xwedî lîstikvanên bi karakter e, xwedî lîstikvanên bi qalîte ye. Rêveberî çi ji dest tê dike. Alîgir pir dixwazin, bajar pir dixwaze, divê em vê potansiyele bikar bînin. Ji dêvla em bibêjin hema sibê emê bikin, na, gav bi gav, maç bi maç emê bidomînin, her roj lîstika xwe, hêza lîstika xwe pêş bixin. 

Me Play-off, belkî jî şampiyonî daye pêşiya xwe, emê maç bi maç biçin. Ez dikarim vê sozê bidim, piştî 8 hefteyan ev tîm bi mental, bi hêz, hêza fîzîkî dê bizanibe tîmeke çawa ye, çi dike, çawa diçe hedefê. Di dema ku em vê yekê bikin em ji alîgirên Amed Sporê sebrê naxwazin, em piştgiriyê dixwazin. Em bibin yek û vî karî bikin."

Akan ji bo teknîk dîrektorê Amed Sporê ê berê Ahmet Yildirim jî kir ku wî ev tîm di vê astê, asta potaya play-offê de hiştiye.