Diyarname
Kovarey Nûbihare ke hîrê mengan reyke bi kurmancî neşr bena, nawey bi kirmanckî (zazakî) hamî neşrkerdin. Di dîrokey kovargeriya kurdî de reya jûyînana ke kovareke kurmancî bi kirmanackî vejêna. Di na hûmarey kovare de heme nişteş bi kirmanckî yê.

Wayîr û Berpirsê Nuşteyan ê kovare Suleyman Çevik di nuşteya xo de anekî vato: "Heta niha kurdê kurmancî vera dimilî zaf bêeleqe mendê. Dimilî jî jew zaravaya kudî ya û bi mîlyonan kesî bi na zarava qisey kenê. Kurmancî şinê ziwananê bînan musenê, gereke verîya verine hewl bidê xo ku ziwanê dimilî bimusê û nê zimanê ku tahlukeyê vinibîyayîşî rê rî bi rî mendo bimusê. Semîmîyetê ma jî winî vijyeno meydan. Senî dimilyê ma bi kurmancî zanê wînî jî marê jî şert o ke ma dimilî rê wayîr vejiyê û na zaravaya ma ya ke hinde weş û kîbar a bipawîme..."
Heme nuştey di kovare de bi kirmancî yê. Di kovare de Wisif Zozanî li ser jiyayey Mehemed Elî Ewnî, Serdar Melekanijî jî serê "Melekan, Şêx Ebdullah û Serewedartiş"î de nuşta.

Ahmed Kasimoglu nuşteya bi namey "Kurdîzade Ehmed Ramizê Licêyî", A. SAmed Mîrzanî jî "Serewedartişê Şêx Seîdê de Gulî Xanim" nuşta.
Mehemed Akyol jî sedê Qetlîamê Dêrqamî de nuşteya xwe nuşta. Dêrqam 15 kîlometre merkezê Licê ra hetê rojavanî ser kewena û Licê ra girêdayî ya. Wexto Şerê Şêx Seîdî de dewey Dêrqamî neya veyşnayişî û merdimî yenê kiştişî. Heman dew di serey 1993-94'an de jî yena veyşnayiş û vengkerdiş. Rojan Lezgînî jî bi namey "Kirdki de namey heywanan" namey heywananê keyî û koy niştê.

Kovara Nûbihar ke ene hûmare de Roşan Lezgînî edîtoriyey cay kerda de, tede nuştey eniyan hamey neşrkerdin: Seyîdxan Kurij, Vegerxwîn, Newzat Dodanij, Mela Mehemed Elî Hunî, Receb Yigitbay, Îrfan Sîmserkîsij, Bedriye Topaç, Umer Faruq Çetînkaplan, Ahmet Say, Çino, Ferhad Vindêrij, Yaşar Baluken, Sarruddîn Saxnîsî, Murad Canşad, W.K,Merdimîn, Dogan Karasu, Rindê Becerîklî, Huseyîn Karakaş, Bedîuzeman, Murad Celalî.

***
Bi şertê niştişê çime, her kes eşkeno nuşte, nûçe û fotoy di Diyarname de weşaney xo de neşr bikerê. Bê niştişê çime neşrkerdinê nuşte, nûçe û fotoyanê Diyarnameyî qedexe wo.