Diyarname

Festîvala Fîlman a Enqereyê îsal 34'emîn car di navbera 2-10'ê sermawezê de li dar dikeve. Fîlmên diçin festîvalê û xelatên rûmetê diyar bûn.

Festîvala Fîlman a Enqereyê ji aliyê Dunya Kitle Îletîşîm Araştirma Vakfi ve tê organîzekirin. Festîval meha pêşiya me dê deriyên xwe ji bo sînemahezan veke.

XELATÊN RÛMETÊ

Festîvalê xelatên rûmetê yên ku dê belav bikin eşkere kirin. Îsal 'Xelata Kedê ya Azîz Nesin" didin lîstikvan Nur Surer, 'Xelata Çinara Hunerê' dide wênesaz û akademîsyen Mustafa Ayaz, 'Xelata Ragihandina bo Girseyê' dide muzîkar Cahit Berkay. Li aliyê din weqif xelateke bi navê "Xelata Taybet a Weqfê" dide kesên di warên xwe de tiştên cuda kirine. Ji bo vê xelatê îsal dide lîstikvan Merve Dizdar ku bi rola di "Kuru Otlar UStune" de li Cannesê Xelata Lîstikvana Herî Serketî girt. Her wiha sazkar, nivîskar û derhêner Burak Çevik jî layiqê vê xelatê dîtine.

FÎLMÊN PÊŞBAZIYÊ

Festîvalê ji bo beşa Pêşbaziya Fîlmên Metrajdirêj a Neteweyî 10 xelat guncav dîtine:

- "8X8" (Derhêner Kivanç Sezer) 

- "Aniden" (Derhêner Melis Onel) 

- "Annesinin Kuzusu" (Derhêner Umut Evirgen)

- "Cam Perde" (Derhêner Fikret Reyhan) 

- "Karganin Uykusu" (Derhêner Tunahan Kurt)

- "Kor Noktada" (Derhêner Ayşe Polat)

- "Sanki Her şey Biraz Felaket" (Derhênre Umut Subaşi) 

- "Son Hasat" (Cemil Agacikoglu) 

- "Yurt" (Derhêner Nehir Tuna).

Piştî eşkerekirina fîlman derhêner Kivanç Sezer diyar kir ku wan fîlmê xwe "8X8" ji festîvalê kişandiye.

10'ê mehê bi merasimek yên serketî dê bêne xelatkirin. Fîlmê herî Serketî bi 100 hezar TL tê xelatkirin.

FÎLMÊN JI DINYAYÊ

Li aliyê din festîvalê fîlmên din ku dê bêne nîşandayîn eşkere kirin. Ji Îngilistan, Îtalya, Almanya, Çekya, Macaristan, Polonya û gelek welatên din fîlm xistine nava bernameya festîvalê.