Diyarname
FesTîvala Çand û Hunerê ya Jinê bi diruşmeya "Jina Azad Hunera Azad" li Batmanê dest pê kir. Festîval roja 21 û 22'yê mehê li dar dikeve.
Sanatça Organizasyon, KESK, DÎSK bi hev re vê festîvalê li dar dixin. Festîvalê berî nîvro bi pêşagneha Rûken Ekîncî li Bexçeya Petrol îşê dest Pê kir û paşê saet 13'an de panela li dar ket. Panela ku li BATSO'yê li dar ket, Rûkeş Kirici moderatoriya wê kir Devrîm Demîr û Salîha Ayata têde axivîn. Ew li ser huner û jinê axivîn.
FesTîvalê roja xwe ya yekemîn bi konserê temam kir. Konsera ku li Batmanê li salona dawetê li dar ket Jin MA û Eylem Aktaş derketin ser dikê, stranên xwe pêşkêş kirin.
BERNAMEYA 22'YÊ MEHÊ
Roja diduyan a fesTîvalê saet 10'an de d^ebi Kargeha Zarokan a li Taxa Petrolê dest pê bike. Dûre saet 13'yan de parelek li Salona Petrol îşê dê li dar bikeve û heman cihî saet 16'an de jî dê Dîwana Dengbêjan saz bibe. Dengbêjên jin Hediyê, Mûqaddes, Evîn Sindî û Perîxan dê bi klamên xwe têde amade bin.
Festîval bi pêşkêşkirina lîstikeke şanoyê temam bibe: Di vê çarçoveyê de li Yenî Sahneya Batmanê wê lîstika Şanoya Bajêr a Amedê "Mirina Jeanne d'Arcê ya Din" bê lîstin. Lîstik saet 20'.00'an de dest pê dike.
Foto: MA