Diyarname

Pirtûka li ber dest ji aliyê Îbnu’l-Ezreq ve (1116-1181) hatiye nivîsîn ku li ser Dewleta Merwaniyan wekî çavkaniya sereke tê qebûlkirin. Pirtûk niha bi navê "Tarîxa Meyafarqînê" bi wergera Emîn Narozî ji Weşanxaneya Nûbiharê derket.

Nûbiharê pirtûka dîrokî "Tarîxa Meyafarqînê" pêşkêşî dîrokhezên kurd kir. Çapa erebî ya vê pirtûkê ji aliyê Dr. Kerîm Farûq el-Xûlî & Yusuf Baluken ve hatibû amadekirin û Nûbiharê ew di sala 2014'an de çap kiribû. Niha jî bi Emîn Narozî ew ji erebî wergerandiye kurmancî û Nûbiharê kurmanciya wê gihandiye ber destên xwendevanan.

Pirtûka li ber dest agahiyên dîrokî li ser Meyafarqînê dide lê ligel van agahiyên ansîkpolepedîk ên ser wê serdemê jî pêşkêşî xwendevanan dike. Agahiyên berfireh ên girîng ên dîrok, çandî û siyasî jî di pirtûkê de peyda dibin. Dîsa agahiyên li ser desthilatdariyên derdorê, ji Artûqî û Sekmanên Xelatê heta Diyarê Muder (Tor), dîsa heta Welatê Jorîn û Qafqasan mîna Abxaz, Gurc û yên din jî agahiyî têde hene.

Werger û nivîskar emîn Narozî di sala 1951'ê de Gundikê Qerê yê Batmanê hatiye dinyayê. Bi Derbeya 12'yê Rezberê re hatiye girtin, 5-6 mehan girtî maye. Piştî berdanê çûye Swêdê. Qî li wir di Zanîngeha Stockholmê de beşa zimanê erebî xwendiye. Li Stockholmê ligel karê xwe ji bo gelek kovar û rojnameyên kurdî nivîsiye û demekê jî di redaksiyona rojnameya Armancê ya ku li Stockholmê derketibu kiriye. Heta niha wî gelek pirtûk wergerandine û amade kirine.

- Tarîxa Meyafarqînê / Îbnu’l-Ezreqê Fariqî (1117-1181) / Wergera bo kurdî Emîn Narozî / Lêkolîn / 2023 / 616 rûpel