Diyarname
Festîvala Fîlman a Navneteweyî ya Venedîkê îsal 81'emîn car li dar dikeve. Festîval îsal wê roja 28'ê gelawêjê lidar bikeve û roja 7'ê rezberê bi dawî bibe. Festîvalê niha ragihad ku dê Xelata Rûmetê ya ŞêRê Zêrîn bidin lîstikvan Sigourney Weaver. Lîstikvana amerîkî Weaver sê caran ji bo Oscarê bûbû berendam. Li aliyê din di sala 1995'an de bi rêza 81'ê ketibû navê lîsteya "100 Stêrkên herî seksî yên dîroka sînemayê".
Ew bi rolên di fîlmên wekî "Alien" û "Avatar" de zêdetir navdar sû. Her wiha bi rolên di fîlmên "Gorîlên di Mijê de", "Keça Karker" û "Bahoza Qeşayê" ku bi vê Xelata Listikvana Herî Serketî ya BAFTA'yê girtibû, rexnegiran jî ew bi erênî rexne kiribu.
'BI SERBILINDÎ EZ VÊ DIGIRIM'
Weaver li ser vê xelatkirinê wisa gotiye: "Ez vê xelatê ligel sazkarên fîlman û hevkarên me bi salan ligel wan ez xebitime parve dikim. Ez bi serbilindî vê xelatê qebûl dikim da ku hemû kesên ku alîkariya afirandina van fîlman kirine, pîroz bikim."
'KÊM KES HENE XWE BIGIHÎNİN ASTA WÊ'
Rêveberê festîvalê Alberto Barbera bi vî awayî pesnê lîstikvanê daye: "Kêm reqîbên Sigourney Weaver hene ku bikaribin xwe bigihînin asta wê. Piştî ku kariyera xwe bi perwerdehiya şanoyê xurt kir, bi fîlmê 'Alien' ya ku Ridley Scott bi rê ve biriye, dilê beşeke mezin a evîndarên sînemayê bi dest xist û di demeke kurt de bû fîgureke sembolîk a sînemaya salên 80'î."
Wî wiha dom kiriye: "Di cureyê aksiyonê de imaja jineke leheng saz kir. Bi vê heta wê demê mêrên ku serlîstikvaniya fîlmên maceraya epîk di dest wan de bû, li hemberî wan qub xwest. Ew ne tenê ji bo lîstikvanên xurt ê jin bûye pêşeng, di heman demê de di lêgerîna nasname de jî bê rawestan xebata xwe  domandiye."
XELATÊ DIDIN WEIR JÎ
Ligel wê dê xelata Rûmetê ya Şêrê Zêrî bidin derhênerê ji Avustralyayê Peter Weir jî.
Festîvalê par ev xelat dabûn derhêner Lilliana Cavani û lîstikvan Tony Leung Chiu-wai. Îsal lîstikvana fransiz Isabella Huppert wê Serokatiya Juriya pêşbaziya mezin bike. Bernameya festîvalê roja 23'yê tîrmehê dê bê eşkerekirin.