Amed
Şaredarî Hênî û Rengareng Umutlar Dernegi têdir "Şahiyey Tûtan" viraşt ke qezay Hênî de eno bena reya yewîn e şahîke anayîna yena vinaştişî.
Di şahî de tûtan rî xwu boyax kerd, bazinê dostanî viraştî, xebatey erbanî kerd, gulheway viraştî û xebatê atolyey hamey viraştişî. Palyaçoyan zî bi kayan kêfê tûtan ard. Şahiya ke dewrê 500 tûtan tera feyde dî de, dimay şahî malzemey kirtasiye ro înan hamey vilakerdişî.
Hemşaredarey Hênî Besile Narin va, "Heta enka ma her game qeybî pîlan çalakî viraştîbî, şaredarî ma rey yewîne qeybî tûtan viraşt. Enka ra pey zî go xebatê ma ana dewam bikerê. Qeybî perwerdehî tûtanê ma çi destê ma ra bêro ma go bikerê. Wa jiyan her qeybî tûtan bo."