Diyarname
Li Zanîngeha Germiyanê bi amadebûna mamosta, xwendekar û beşên cuda yên civakê 8'emîn Festîvala Wêjeyî ya Aranê hat lidarxistin. Rêveberê festîvalê diyar kirin ku armanca festîvalê piştgiriya bi xwendekaranên zanîngehê ya ji bo pêşxistina wan a di warê wêjeyî de ye.

PÊŞBAZÎ BO BERHEMÊN XWENDEKARAN
Li beşa Zimanê Kurdî ya Zanîngeha Germiyan a li navçeya Kelarê Festîvala Wêjeyî ya Aranê dest pê kir. Festîval du rojan wê li dar be.
Di festîvalê de peyama zanîngeha Germiyanê ya ji bo festîvalê hat xwendin, her wiha gelek çalakiyên hunerî û wêjeyî hatin pêşkêşkirin. Di festîvalê de li ser berhemên xwendekarên zanîngehê wê pêşbazî çêbibe.

'JI BO XWENDEKARAN GIRÎNG E'
Di derbarê festîvalê de Mamostayê Zanîngeha Germiyanê û rêveberê festîvalê Merîwan Heme Kerîm ji bo Rojnewsê axivî û got: “Ev festîval pêşbirkeke di navbera xwendekarên tevil dibin de tê kirin. Ji sala 2017’an ve festîval tê lidarxistin. Heta niha 101 helbest û 78 çîrok têde hatine nîşandan. Ev festîval ji bo cîhana xwendekarên zanîngehê girîng e.”

'JI HER DERÊ HERÊMA KURDISTANÊ DIKARIN TEVLÎ BIBIN'
Di dewamê de Merîwan Heme Kerîm diyar kir ku destpêkê tenê xwendekarên beşa ziman a Zanîngeha Germiyanê dikarîn tevlî bibin, lê niha ji bo hemû zanîngehên Herêma Kurdistanê xwendekar dikarin tevlî bibin. Merîwan got: “Armanca me ya lidarxistina vê festîvalê piştgirîdayîna xwendekarên ku xwedî kêrhatinên wêjeyî ye.”

'FESTÎVAL XWEDÎ ROLEK MEZIN E'
Serokê Zanîngeha Germiyanê Aras Ferîq Zeynel jî li ser festîvalê got: “Ev festîval gelek giring in ku salane ji aliyê Beşa Zimanê Kurdî ya Zanîngeha me ve tê lidarxistin. Festîval xwedî rolek mezin e di nîşandana kêrhatinên xwendekaran de. Gelê me xwedî çandek bihêz e, ciwanên me jî çavkaniya dahênanin ji bo wê divê piştgiriya wan bê kirin.”