Diyarname
Bavê rojnameger Ferhat Tepe yê hat kuştin İshak Tepe îro canê xwe ji dest da.

Siyasetmedar û berhevkar Îshat Tepe di sala 1941'ê de li Bedlîsê hatibû dinê. Di salên 1960'î de ket nava siyasetê. Sala 1984'an de ji bo Meclisa Şaredariya Bedlîsê wekî endamê meclisê hat hilbijartin; demek cîgiriya şaredar jî kir.
Sala 1992'yan de bû Serokê DEP'a Bedlîsê. Kurê wî Ferhat Tepe jî nûçegîhanê Gundemê yê Bedlîsê bû. Roja 28'ê tîrmeha 1993'yan kurê wî Ferhat Tepe ji aliyê kesên nasname ne diyar ve hat revandin û 4'ê gelawêjê cenazeyê wî li Elezîzê hat dîtin. Piştî vê yekê ew jî wekî gelek kurdan mecbûr ma mal bar bike metropolan.
Îshak Tepe piştî van salan di nav DEP, HADEP'ê de cih girt. 
Tepe ligel siyasetê ev doza kuştina kurê xwe bir Dadgeha Mafên Mirovan (DMME) û li DMME'yê Tirkiye mehkûm kir.
İshak Tepe di sala 2003'yan de dest ji siyasetê berda û di nav saziyên sivîl de cih girt. Di sala 2011'an de di nav heyeta mutevelî ya avakar a Weqfa Îsmaîl/ 2004 Beşîkçî de cih girt û demekê saymaniya wê kir.

İshak Tepe ligel xebata xwe ya siyasetê bi nivîsê re jî eleqedar bû û ji berhevkariya kurdî hin pirtûkên wî derketibûn. Di bin navê "Ji pêşiyên me baqek zagortin" de pirtûkên behevkariyê belav kirin. 
Ev in pirtûkên Tepe:
- Mişk û Kêzik / Fabl / 2002
- Apê Kal / Zargotin / 2002
- Guldeste / Zargotin / 2004