Diyarname
Lîstika bi kurdî ya Destar Teatro dest bi tûrneya xwe ya li Ewropayê dike. Di vê çarçoveyê de lîstik dê li welatên wekî Swîsre, Danîmaka û Swêdê bê lîstin.
Lîstika Destar Teatro "Disko 5 No'lu" lîstikeke ku heta niha gelek caran hatiye xelatkirin. Lîstik li ser wehşeta Girtîgeha Amedê ya bi Nimreya 5'an e ku ceribandineke pêk aniye. Kêzikek, mêşek, mişkek, kûçikek, gardiyanek û mehkûmek di wicûdekê de tê ziman. Lîstik wehşetek ku zor li sînorê aqil û xeyalê dike tîne ziman. Lîstik li ser bîranîn, lêkolîn, belge û hevdîtinên li ser Girtîgeha Amedê ya bi Nimreya 5'an hatine ziman hatiye rêstin û derketiye ser dikê.
Lîstika ku ji aliyê Destar Teatre ve li Stenbolê gelek caran derket ser dikê vê carê derdikeve tûrneya Ewropayê. Lîstika ku Mîrza Metîn nivîsandiye û lîstiye, derhêneriya wê Berfîn Zenderlîoglu kiriye. Lîstika 60 deqîqeyî di navbera 1 û 15'ê adarê de diçe çend welatên Ewropayê. Bernameya tûrneya Destar Teatre bi vî rengî ye:
- 3 adar, Theater Arlecchino Basel/Swîsre
- 8 adar, Şanoya Muzîkê ya Albertslund – Kobenhavn/Danîmarka
- 9 adar, Strandgardskolen – Kobenhavn/Danîmarka
- 13-14 adar, Folkets Hus Hallunda (T-BANA Hallunda) – Stockholm/Swîsre
Lîstikê heta niha ev xelat girtine:
- 2012, Juriya NTVmsnbc, yek ji 5 "Lîstekên Herî Serketî yên Salê"
- 2012, XII. Direklerarasi Seyirci Odulleri "Xelata Productioriya Yek Kesî"
- 2012, Juriya Rojnameya Hurriyetê, yek ji 10 "Performansên Herî Serketî Yên Salê"
- 2012, Pêşbaziya Wêneyê Lîstikên Tiyatroyê ya Tiyatronline, "Wêneyê Herî Serketî yê Lîstikê"
- 2012, Kovara Tiyatro, "Lîstikvanê herî Serketî"
***
REKLAM
.jpg)
Hejmara duyem a kovara DÎWAR derket
Ji bo xwestin, abonetî û pirsên we yên din, têkilî:
Ji bo xwendina nûçeya li ser DÎWAR bergê bitikînin.
.jpg)
.jpg)
