AMED
Rêberê PKK'ê Abdullah Ocalan peyama aştiyê eşkere kir û got: Ev serdemeke nû ye.

Peyama Ocalan a bi kurdî ji aliyê Mebûsa BDP'ê Pervin Buldan û ya tirkî jî ji aliyê Mebûsê BDP'ê Sirri Sureyya Onder ve hat xwendin:

Vane hin notên ji peyama Ocalan:

- Yên ku bi agirê Newrozê dilê wan dişewite, yên bi sed hezaran, mîlyon
ku qad tije kirine êdî dibêjin aştî, biratî û çareseriyê dixwazin.

- Li hemberî bêçaretiya em li nav hatin dinê, li hemberî nezanî, koletî serhildana min a kesane dest pê kir bi xwe re zanînek, feresatek anî, rihek çêkir. Ez îro dibînim ku ev helwest gihîştiye astekê.

- Têkoşîna me ne li hemberî nijadek, olek, mezhebek an komekê ye û li dij nabe jî. Têkoşîna me li hemberî çewsandin, nezanî, neheqî, li paşvehiştin û li hemberî her cure zordarî û zorlêkirinê ye.

- Em îro êdî li Tirkiyeyeke nû, Rohilata Navîneke nû û li pêşerojeke nû hişyar dibin.

- Ciwanên ku banga min hembêz dikin,ş jinên pîroz ku dilê xwe tevî peyama min dikin, dostên ku gotinên min bi 'serçavan' qebûl dikin, hûn mirovên ku guh didin dengê min:
Îro serdemeke nû dest pê dike.
Ji berxwedana bi çekdarî ber bi siyaseta demokratîk derî vedibe.

- Pêvajoyeke ku aliyê wê yê siyasî, civakî û aborî xurtir in dest pê dike; feresatek ku mafên demokratîk, azadî, wekhevî ji xwe re wekî bingehdigire pêşdikeve.

- Me bi dehan salên xwe ji bo vê mafê feda kir, me berdêlên mezin dan. Ev fedekarî, ev têkoşîn bi avê de neçû. Kurdan kurdbûna xwe, eslê xwe û nasnameya xwe ji nû ve bi des xist.

- Em hatin xala "Bila êdî çek rawestin, fikir û siyaset biaxivin."

- Ez di şahidiya mîlyonan ên ku guh didin ê banga min de dibêje ku, êdî serdemeke nû dest pê kir, ne çek, siyaset derdikeve pêş. Êdî hatiye wê astê ku hêzên me yên çekdar vekişin derveyî sînor.

- Ez bawer dikim her kesê dilê xwe ji bo min vekiriye, bawerî bi vê têkoşînê aniye dê heta dawî li ser vê mijarê xesas tevbigerin.

- Ev de gava dawî, gava destpêkê ye. Ev biryar ne destjêberdana têkoşînê, bi awayekî din destpêkirina têkoşîneke cuda ye.

- Ji bo welatek demokratîk, azad û wekhev çêbe barek mezin dikeve ser milê hemû gelên li Kurdistan û Anadoliyê dijîn.

- Gelê Tirkiyeyê yê bi hurmet;
Gelê tirk ku Anadoliyê îro wekî Tirkiyeyê dijîn divê bizane ku nêzî hezar salan di bin ala îslamê de tevî kurdan jiyana wan bi biratî û piştgiriyê ya bi hev re derbas bû. Di vê hiqûqa biratiyê de fetih, înkar, red, bi zorê asîmîlasyon û îmhakirin tune ye û divê tune be.

- Dem ne dema nelihevkirin, pevçûn, hevbiçûkdîtin, dem dema îtîfaq, bihevrebûn, hevhembêzkiirin û hev helalkirinê ye.

- Kurd û tirkên li Çanakkaleyê mil bi mil şehît ketin, bi hev re Şerê Rizgariye dan, meclisa 1920'an bi hev re vekirin.

- Rastiya ku paşeroja bi hev re radixe ber me, nîşan dide ku gere pêşeroja xwe jî em bi hev re saz bikin. Rihê di avakirina Meclisa Tirkiyeyê de îro jî gere pêşiya me ronî bike.

- Ev Newroz mizgîniya serdemeke nû ya ji bo me hemûyan e.

- Bingeha têkoşîna nû fikir, bîrdozî û siyaseta demokratîk e, destpêkirina gaveke mezin a demokratîk e.

- Bila silav li hemû kesên hêzê didin vê pêvajoyê, silav li yên ku piştgirî didin çareseriya demokratîk-aştiyane.

- Silav li kesên ji bo biratiya gelan, wekhevî û azadiya demokratîk a gelan bar digirin ser milên xwe.

- BijÎ Newroz, bijî biratiya gelan.

***

Nûçeyên eleqedar:

- Li Batmanê qad tije bû!

- Kesên dê beşdarî Newroza Amedê bibin

- Bajar û navçeyên Newroz lê hat pîrozkirin

- Demirtaş: Em mafê xwe dixwazin, ne yê kesek din

- Newroza Stenbolê silav li Rojava kir

- Li Konya xwestin 'w' bikin 'v'

- Bajar bi bajar bernameyên Newrozê