QAMIŞLO

Meclisa Gel a Rojavayê Kurdistanê (MGRK) û Encumena Niştimanî Kurdî li Sûriyê (ENKS) bi mijara rêveberiya demî ya Rojavaya Kurdistan civînê xwe didomîne. Civîna Meclîsan îro li hola Nûredîn Zaza ya li Qamişlo hate lidar xistin. Ji bo bi pêkhatiyên din re hevdîtinin pêk bînin du komîte ava kirin.

MGRK û ENSK civînê xwe bi armanca rêveberiya demî didomînin. Civîn meclîsan îro ji çapemeniyê girtî li hola Nûredîn Zaza ya li Qamişlo hate lidar xistin. Di civînê de ji MGRK’ê Hevserokên Meclîsa Gel a Rojavayê Kuridstanê Ebduselam Ehmed û Sînem Mihemed, Hevseroka PYD’ê Asya Ebdulah, Ebdulkerîm Umer, ji ENKS’ê Fuad Elîko, Ehmed Berekat, Mistefa Meşayîx û Mihemed Salih Ebdo beşdarî civînê bûn.

Civîna ji çapemeniyê girtî pêk hat û 2 saetan dewam kir. Di dawî civînê de daxuyaniyekî nivîskî hate weşandin. Di daxuyaniyê de hate destnîşan kirin ku Komîteya Amadekar a pêşunameya Rêveberiya herêmên Rojava û hevbeş civîna xwe ya asayî lidar xistiye. Di Civînê de mijarên wekî rêbazên kar hatine nîqaşkirin û komîteyên ku têkiliyê bi pêkhateyên Ereb, Suryanî, Asûrî û Ermenî hatiye avakirin.

Di daxuyaniyê de hate gotin ku civîn bi awayekî serkeftî û erênî bi dawî bû.

Têkildarî komîteyên têkiliyan bi pêkhateyên din re Hevserokê Meclîsa Gel a Rojavayê Kurdistanê Ebduselam Ehmed ji ANHA’yê re axivî û da zanîn ku wan 2 komîte avakirine û dê di nava hefteyekê de bi hemû pêkhateyên Rojava re hevdîtinan pêk bînin. Ehmed, destnîşan kir ku her komîteyek ji 3 endaman pêk tê. Ehmed derbirî ku ger komîte erkê xwe baş pêk bînin dê rêveberiya demî serkeftîtir be.

ANHA