Ji bo vê sernavê hûn dikarin bibêjin "Ji min re çi?". Lê nebêjin. Erê hevalê min, nivîskarê Diyarnameyê Yeqîn H. geriya û bê xeyidîn lê bi gotina dixwaze fêm bike got: "Ji 30'ê gulanê re pirtûka min Elîfbêtk derketiye, te hema danasînek jî çênekiriye. Çima gelo?"
Em hevaltiyê jî deynin aliyek, kesekî di weşanek de nivîskar be û li ser pirtûka wî ku derketibe rêzek jî nehatibe nivîsîn ma ne eyb e?
Belê eyb e.
Ger wisa be çima nehat nivîsîn û Yeqîn ew qas xwe westand, geriya?
Pir hindik min bersivek wisa da Yeqîn: "Cîhan Roj jî nivîskarê me ye, Omer Dilsoz jî, Welat Dilken jî. Ez ji her sêyan jî, hem wekî şexs, hem wekî nivîskar hez dikim. Roman û helbesta Cîhan derket wî ji min re şand, li ser helbestê me tiştek nivîsî, roman di rêzê ye. Welat pirtûka xwe îmze kir da min. Lê ya Omer nehat. Bi ser de ez geriyam û min jêre got ku weşanxaneyê pirtûka te ji me re neşandiye, ka emê çawa bikin... Yê te jî nehat û ez nizanim te çi nivîsiye, çi têde heye, ka ezê çawa nûçeyek, danasînek çêbikim?"
Min got: "Binêr Sîdar*, camêr pirtûka xwe îmze kir û şand, me cih dayê, belkê em hinek din jî cih bidinê."
Got: "Tu mafdar î" û gelek tiştên din got û paşê min dît nivîsa xwe şand: "Li Ser HEBÛ TUNEBÛyekê!"
*
Di destpêka 2007'an de, yanê 11 sal berê min nivîsek bi navê "Daxwazeke ji nivîskarên kurd" nivîsandibû. Piştî axaftina me ligel Yeqîn xilas bû ew nivîs hat bîra min. Wê çaxê nivîskaran gazin dikir ku em çima nûçeyek li ser berhemên wan çênakin, niha jî.
Wê çaxê jî me ji weşanxaneyan re gotibû berhemên we derxistine bişînin em nûçeyan çêbikin, niha jî.
Wê çaxê jî weşanxaneyên me sereserd bûn, niha jî.
Ka ez û rojnamegerên din ên kurd yên wekî min dê çi bikin?
Ka emê çawa nûçeyên wan çêbikin?
Bi ser de min ji Yeqîn re wisa jî got: "Me ji weşanxaneyan re gotiye berhemên xwe bidin kargoyê hûn dixwazin 'Karşi Odemelî' (heqê kargoyê ez bidim) jî bişînin."
Û yê me wekî Diyarname biryarek wisa jî heye:
"Berhemek (pirtûk, cd, dvd û hwd) ji me re neyê em nûçeya wê çênakin."
Wekî nivîsa min a 11 sal berê, niha dîsa dixwazim dubare bikim: Serê pêşî divê weşangerên me bizanibin ku kîjan rojnameger li ser berheman nûçeyan çêdike û berheman jêre bişîne. Ger weşanxane guh nedin bar dikeve ser milê nivîskaran. Ew dikarin zor li weşangerên xwe bikin.
Ger ev jî nebe?
Jixwe mesele zelal bû, ne hewceye em dirêj bikin.
Jixwe mesele zelal bû, ne hewceye em dirêj bikin.
- "Handa", Sîdar Jîr, Weşanên Lîs, 2018
***
REKLAM
Ji bo vexwendnameyan malpera ku hûn serî lê bidin: http://www.davetiyeonline.net/
Bi her zimanî em dikarin ji bo dawetên we vexwendnameyan amade bikin.
.jpg)
.jpg)
.jpg)
.jpg)
