Hazal ATEŞ

TRT beşa kurdî ku li pêşkêşvanên bi kurdî bizanibin û 'sicîlbaş'bin geriya, bi ser neket.

Avakirina TRT'a Kurdî hikumetê wekî gaveke ji bo Başûr û Başûrêrojhilat avêtibû rastî astengiya 'pêşkêşvanan' hat û lewma weşan bi derengî ket.

Diyar bû ku TRT'ê kesên baş bi kurdî dizanin bi dest nexist. TRT gera xwe ya li kesên baş bi kurdî bizane, xwedî sicîleke paqij, entellekuel û bêsabiqe didomîne.

Rêveberiya TRT'ê ji bo berî hilbijartina herêmî ya adara 2009'an dest bi weşanê bike lez da xebatê. Dê bi dorvegerî bi kurmancî û zazakî weşanê bike.
Sinan Îlhan ku kordînadorê weşana bi Kurdî ya TRT'ê ye bal kişand ser zehmetiyan û got. "Li welatê me gelek kesên bi kurdî dizanin hene. Lê şarezaribûna ji bo televîzyonkarî girîng e. Ji herêmê gelek serîlêdan hene. Hilbijartina wan bi hûrbûnî tê kirin.!
Rayedarên TRT diyar dikin ku hewce bike di nav saziyê de ewê dest bi perwerdehiyê bikin. Rayedarên TRT'ê jî dibêjin ku ewdikarin alîkariya TRT'ê bikin.
Mebûsê DTP'ê yê Batmanê Bengî Yildiz wisa got: "Îro li Enstîtuya Kurdî ya Stenbolê gelek kesên ku dersê dibînin hene. Dikarin perwerdehiya televîzyonê bidin wan."
Wekîla Serokê Koma DTP'ê Fatma Kurtalan jî wisa got: "Ger xebatkarên ku baş bi kurdî dizanin nikarin bibînin divê xwe bigirin bin lêpirsînê. Ne ku kesên bi zimanê diya xwe diaxivin û dinivîsin nîn in."

Ji rojnameya Sabahê hatiye girtin