AMED

56 parlementeran piştevaniya danezana Koma Keskan a Parlementoya Ewropayê ya bi sernavê "Ji bo rewşa mirovahiyê ya li navçeya Sûrê ya Amedê banga çareseriya aştiyane ya lezgînî" kir. Di danezanê de bo serokên dewletên YE'yê re "Ji bo felaketeke wek felaketa mirovahiyê ya li Cizîrê xwe nede der destûrê nedin" hat gotin. 

Koma Keskan a Parlementoya Ewropayê danezana xwe ya bi sernavê "Ji bo rewşa mirovahiyê ya li navçeya Sûrê ya Amedê banga çareseriya aştiyane ya lezgînî" bo îmzeyan vekir. Kampanyaya îmzayê ya ji aliyê Hevseroka Koma Keskan Monîca Frassonî ve hat destpêkirin, di destpêkê de 56 parlementeran piştevaniya wê kir. 

Danzena hat weşandin wiha ye: "Ji 11'ê Rêbendana 2015'an heta niha li navçeya Sûrê ya Amedê qedexeya derketina derve hatiye sepandin. Ji ber êrîşên topan binesaziya li Sûrê bi piranî hatiye rûxandin. Di nav de birîndar û 15 jê zarok ên di biniya 10 saliyê de texrîben 200 kes di jêrzemînan de mahsûr mane. Ji ber domandina êrîşên bi topan sivîl nikarin ji malê xwe derkevin û li kuçeyan jî cenaze hene.

Berpirsiyarên tirk, li Sûrê dibên 131 sivîl û 25 PKK'yî hene. 

Em vê rewşê wek rewşeke lezgînî dibînin û ji bo krîzê pêkanîna çareseriyeke zexm û ji bo di serî de zarok rizgarkirina sivîlan derfet bên amadekirin, em bang li berpirsiyarên tirk dikin. 

Ji bo birîndar bi awayekî ewleyî ji herêmê bên derxistin, divê qedexeya derketina derve bê rawestandin û ji bo agirbesteke 24 saetan pêk bê, em bi israr tewsîye dikîn. 

Ji kerema xwe ji bo felaketa li Cizîrê ya di jêrzemînan de 158 sivîl mahsûr man û jiyana xwe ji dest dan, dubare neyê jiyîn tevbigerin. 

Em, di heman demê de ji bo rewşa Sûrê ya di xetereyê de ye esas bigirin bang li Nûnera Brukselê ya Ewropayê Federîca Mogherînî û Serokên Dewletan ên Ewropayê dikin."