Diyarname

Spanya ev 14 maç bû têk nediçû lê Hirvatan dawî li vê anî û serê hemû gayan jêkir. Di komê de Tirkiyeyê jî Komara Çek têk bir û dest bi hêviyê sêyemînî kir.

Tirkiyeyê Komara Çek têk bir: 2-0

Di Koma D de berî van maçan yekemîn û duyemîn (Spanya-Hirvatistan bi cih bûbûn) diyar bûbûn û ji bo sêyemînî Tirkiye û Komara Çek dê bi hev re bilîsta. Di lîstinê de Tirkiye ne bi ser Komara Çek re bû lê di golan de bi ser re derket: 2-0. Golên Tirkiyeyê Burak Yilmaz (deqîqe 10) û Ozan Tufan (deqîqe 64) avêtin. Bi vê yekê Tirkiye bû sêyemînê komê. Ger sibê ji Komên E û F sêyemînên baştir dernekevin dê wekî sêyemînê baş ji komê derê û derbasî nav 16'an bibe.

Hirvatan nehişt spanyol rekorê bidomînin

Di maça din de Spanya û Hirvatistar hatin hemberî hev. Spanya ev 14 maç bû têk nediçû û bi vê hêviyê careke din derket sehayê. Maç di deqîqeya 7'an de bi gola Morata geş bû: Spanya bi 1-0 pêş ket lê berî nîveka yekemîn bi dawî bibe Nikola Kalinic derket sehneyê û encam anî 1-1'ê. Nîveka yekemîn wisa bi dawî bû. Di deqîqeya 87'an de Ivan Pericis li ser navê Hirvatistanê gol avêt, hem rekora Spanyayê şikand, hem yekemîniya komê ji dest girt.

Di encama maçên Koma D de rêz wisa çêbû:

Hirvatistan: 7 pûan

Spanya: 6 pûan

Tirkiye 3 pûan

Komara Çek: 1 pûan

Almanyayê Îrlanraya Bakur têk bir

Di Koma C de Almanya û Îrlandaya Bakur hatin hemberî hev. Di deqîqeya 29'an de lîstikvanê Beşîktaşê Mario Gomez li ser navê Almanyayê gol avêt û tîma xwe bi 1-0 derxist pêş. Nîveka yekemîn de jî duyemîn de jî wekî din dengê golê nehat û maç bi vî awayî bi dawî bû.

Polonyayê bi 1-0 Ukrayna têk bir

Di maça din a komê de Polonya û Ukrayna hatin hemberî hev. Ukrayna ku tu hêviya wê tune bû, wekî maça dawî li sehayê bû. Polonyayê bi gola Blaszczykowski ya di deqîqeya 54'an de maç bi 1-0 bi dest xist.

Di dawiya maçê de rêz wisa çêbû:

Almanya 7 pûan

Polonya 7 pûan

Îrlandaya Bakur 3 pûan

Ukrayna 0...