Diyarname
UNICEF'ê li ser mirina zarokan rapora xwe weşand. Li gor raporê hejmara mirina zarokan hinek daketibe jî par zarokên di bin temenê 5'an de zêdeyî 8 mîlyonî ji wan mirine.

Fona Alîkariyê ya Zarokan a Neteweyên Yekbûyî (UNICEF) ku ji bo parastina zarokan xebatê dike, da zanîn ku hejmara mirina zarokan daketiye lê hê jî negihîştine hedefa xwe.

Rêxistinê da zanîn ku sedema sereke ya mirina zarokan zature û bi emelê ketin e.

Rapor radigihîne sedî 40'ê zarokên di bin temenê 5'an de ku mirine ji sê welatan in: Nîjerya, Hindistan û Komara Demokratîk a Kongoyê.

Rapor dibêje ku asta mirina zarokên li Malavi û Eritre daketiye, lê li Başûrê Afrîkayê ji ber nexweşiya HÎV û AIDS'ê ya bi dayikan re asta mirina zarokan zêde bûye.

NY'ê (Neteweyên Yekbûyî) li gor projeya xwe ya "sala 1990-2015'an ji sisêyan didu mirina zarokan kêm bibe" dabû dest pê kirin. UNICEF'ê ragihand ku NY di vî warî de bi ser neketiye.

Serokê UNICEF'ê Ann Veneman got ku li gor sala 1990'î her roj ji 10 hezarî zêdetir zarok êdî namirin lê ev pêşketin hê jî têrê nake.

UNICEF dibêje ku mirov dikare asta mirina zarokan daxe, ji bo vê yekê ava paqij, derdoreke bi hîjyen, bikaranîna bernameya derziyan.