Diyarname

Serokê CHP'ê û berendamê Serokomariya Tirkiyeyê li ser navê Îtîfaqa Milet Kemal Kiliçdaroglu îro li Meclisê ligel Hevserokên HDP'ê Pervin Buldan û Mithat Sincar hevdîtin çêkir. Hevdîtin nêzî 50 deqîqeyî dom kir.

Ji meseleya erdhejê heta pirsgirêka kurd, hilbijartina li pêşiya me gelek tişt axivîn. Li ser hin xalan li hev kirin. Piştî hevdîtinê her du aliyan bi hev re daxuyanî dan çapemeniyê. Va ne notên ji wê daxuyaniyê:

- Kiliçdaroglu: Di warê guherîna Zagona Bingehîn, xurtkirina pergala parlementerî me me dîtinên xwe pêşkêş kirin. Daraza serbixwe û bê alî miheqeq divê hebe. Divê dewleta hiqûqî hebe. Dewleta sosyal hebe. Mafên bingehîn û azadiyê divê hebin. 

'EM KAYÛMAN RAST NABÎNIN'

- Kiliçdaroglu: Em li ser rêveberiyên herêmî, kayûman sekinîn. Em kayûman teqez rast nabînin. Yên ku bi hilbijartinê hatine divê bi hilbijartinê herin. Parastina demokrasiyê parastina mafên mirovan e. Demokrasî yek ji rêgezên me ya bivê nevê ye.

- Kiliçdaroglu: Partî divê neyên girtin. Di sedszala 21'ê de girtina partiyan ne rast e.

- Kiliçdaroglu: Pirsgirêka kurd jî têde cihê çareseriya hemû pirsgirêkan meclis e. Ez vê dubare dikim, pirsgirêka kurd jî têde cihê hemû çareseriyan meclis e. Emê bi awayekî azad nîqaş bikin. Îleh em rûniştin me pirsgirêk çareser nekir, emê dîsa rûnin.

- Kiliçdaroglu: Ezê dawî li pevçûnên li vî welatî bînim. Ez ji endamên çapemeniyê rica dikim, ew jî bila bi berpirsiyariya xwe bizanin. 

'KURDÎ ÇAWA DIBE ZIMANÊ NAYÊ ZANÎN?'

- Kiliçdaroglu: Binêrin li meclisê bi fransizî tê axivî, îngilîzî tê axivîn, li ber di parantêzê de tê nivîsin bi vî zimanî, lê dema bi kurdî tê axivîn tê nivîsîn 'Bi zimanê ku nayê zanîn ka çi ziman e". Ji bo Xwedê, ez bangî kesên bi wijdan dikim. Yê TRT'ê karalek wê bi navê TRT Kurdî heye. Çawa çê dibe bi zimanê nayê zanîn ka çi ye. Bi hezaran salan e bi vî zimanî tê axivîn. Di dewletê de cotstandardî nabe. Erê zimanê me yê fermî tirkî ye, kesî ji vê re tiştek negotiye, lê hûn nikarin di dewletê de cotstandardî çêbikin.

'CIHÊ ÇARESERIYÊ MECLIS E'

Hevseroka HDP'ê Pervin Buldan ji bo  sedema hevdîtina li Meclisê wisa got: "Bi vê em dixwazin balê bikişînin ser cihê çareserkirina pirsgirêka kurd. Em sipasiya hatine serok dikin. Me li ser pirgsirêkên bingehîn ên Tirkiyeyê xeber da. Me li ser pirsgirêka kurd jî têde pirsgirêkên Tirkiyeyê, tiştên civaka Tirkiyeyê jê li bendê me ye, em li ser wan xeber da. Em sipasiya birêz serok û heyeta wî dikin. Serketinê jêre dixwazin."

'LIGEL ÎTÎFAQÊ EMÊ BIAXIVIN'

Heserokê HDP'ê Mithat Sancar jî wisa got: "Di hevdîtinê de gelek mijar hatin axivîn. Me her du aliyan dîtinên xwe bo hev anîn ziman. Emê naveroka hevdîtina xwe bibin ligel hêzên me yên di nav îtîfaqê de bi wan re parve bikin û bêyî zêde bidome emê ji bo raya giştî belav bikin."