Diyarname
Li bajarên Ewropayê jî ji bo piştgiray girtiyan çalakî hatin li dar xistin.

ROMA

Li komek ji 20 kesî pêkhatî li Qada Trastevera hatin ba hev û dest bi greva birçîbûnê kirin. Greva ji bo piştgiriya girtiyan dê 2 rojan bidome. Çalakiya kurdistaniyan gelek bala tûrîstan kişand

STOCKHOLM

Li Stockholmê 25 kes ji bo piştgiriya grevên birçîbûnê yên li girtîgehan dest bi çalakiya greva birçîbûnê kirin. Çalakiya ku li Qada Sergel a Stockholmê dest pê kiriye dê sê rojan bidome.

STRASBÛRG

Li bajarê Fransa Strasbûrgê ji bo piştgiriya girtiyan çalakiya greva birçîbûnê ya ku dê 2 rojan bidome tê dest pê kirin. Çalakiya ku li qada Klere dê li dar bikeve, roja çarşemê saet 10.00'an de dê bi daxuyaniyeke bê dest pê kirin û heta roja pêncşemê saet 18.00'an bidome. Hat gotin ku dê 5 kes dest bi çalakiyê bikin.

LONDON

Li paytexta Îngilistan Londonê jî sibê çalakî tê li dar xistin. Çalakî dê li ber avahiya Serokwezîriya Îngilistanê dest pê bike. Bang hate kirin ku roja çarşemê saet 12'yan de li ber avahiya Serokwezîriyê gel bê ba hev û piştgirî bide çalakiyê.
Meclisa Jinan a Roj jî heman rojê saet 10.00'an de li ser girtiyên siyasî dê dosyayeke ragihîne Rêxistina Efûyê.

ÛCA dest bi çalakiyê dike

Parlemena berê ya Parlemena Ewropayê û nivîskar Feleknas Ûca li ÎHD'a Amedê ji bo rojekê dest bi gireva birçîbûnê dike. Ûca dê sibê (24'ê mehê) daxuyaniyeke bide û dest bi grevê bike.

ENSTÎTUYA BRUKSELÊ

Serokê Enstîtuya Kurdî ya Brukselê Derwêş M. FERHO daxuyaniyeke nivîsî weşand û got: "Enstituya Kurdî ya Brukselê daxwazên kesên di grêvê de rewa dibîne û bi wan re ye. Di çarçewa xebata xwe de jî her tiştê pêwîst e li Belçîka dike."

RÊXISTINA EFÛYÊ

Rêxistina Efûyê jî daxuyaniyeke nivîskî weşand û got: Divê rayedarên Tirkiyeyê hurmetê nîşanî mafên girtiyên di greva birçîbûnê de bide.
Rêxistinê got ku greva birçîbûnê mafeke protestokininê ya aştiyane ye û divê dayedarên Tirkiye ev mafê protestokirinê jî di nav de hurmetê nîşanî hemû mafên xwe îfadekirina girtiyan bide.

KNK

Konseya Rêveberiya Kongreya Neteweyî ya Kurdistanê (KNK) jî daxuyaniyeke nivîskî weşand û got: "Em bang li kurdistaniyan dikin ku li çar parçeyên Kurdistanê û derveyî welat, em bang li entelektuelên kurd tevan dikin di vê qonaxa dîrokî de, li her qada jiyanê piştgirî bidin girtiyan û li dijî dewleta AKP'ê, di rengekî rêxistinî û dilsoziyek neteweyî de dengê xwe bilind bikin. Daxwazên girtiyên azadiyê, daxwazên tevahiya gele kurd in. Pêwîst e her kurd, her sazî û dezgehên kurd ligel girtiyan cihê xwe bigire û di vê qonaxa dîrokî û hesas de rola xwe bilîze."

***

Nûçeyên eleqedar:

- Bajar bi bajar çalakiyên ji bo grevê

- Zarokên Apê Mûsa jî di grevê de ne

- 41 roj in greva birçîbûnê didome

- Şaredaran piştgirî da Greva Birçîbûnê

- Kaya û Sariyildiz jî ketin greva birçîbûnê

- 36 roj in girtî di grevê de ne